Քաղաքական13:25, 02 Հուլիս 2024
Ալթուն. «Թուրքիայի անդորրը խաթարելու իրենց նպատակին չեն հասնելու»
Թուրքիայի նախագահականի հանրային կապերի վարչության նախագահ Ֆահրեթթին Ալթունը սոցցանցում կատարած հրապարակմամբ անդրադարձել է Կայսերիում (Կեսարիա) սիրիացի փախստականների հետ կապված միջադեպին:
Նա նշել է, որ այդ առիթով սարդանքներ են իրականացվում՝ թուրք հասարակության մեջ վատ մթնոլորտի և լարվածության ստեղծման նպատակով:
«Ես ուշադիր հետևում եմ սադրանքներին»,-գրել է Ալթունը:
Բացի այդ, թուրք նախարարն ընդգծել է, որ ոչ մի սադրանք, որն ուղղված է Թուրքիայի հանգստության խաթարմանը, չի հաջողվելու:
«Մեր երկրի անդորրը փչացնելու փորձերը մեր պետության բոլոր լծակների նվիրված համատեղ աշխատանքների շնորհիվ իրենց նպատակին չեն հասնելու»,-ամփոփել է նա:
Հիշեցնենք, որ Թուրքիայի կենտրոնական Կայսերի նահանգի Մելիքգազը շրջանի Դանըշմենթգազի թաղամասում մի խումբ մարդիկ հարձակվել էին սիրիացիներին պատկանող աշխատատեղերի և մեքենաների վրա:
Դեպքի վայրում տեղի ունեցածի հետևանքով վիրավորվել էր ոստիկանության 10 աշխատակից:
Ավելի վաղ լուրեր էին տարածվել մի սիրիացի տղամադրու կողմից երեխայի նկատմամբ սեռական ոտնձգություն իրականացնելու մասին, ինչն էլ պատճառ էր հանդիսացել դեպքերի նման զարգացման:
Կայսերիի նահանգապետը հանդես էր եկել դեպքի մասին հայտարարությամբ, նշելով, որ բռնություն իրականացնելու համար կասկածվող անձը ձերբակալվել է, իսկ երեխան գտնվում է հատուկ վերահսկողության ներքո:
Նահանգի ոստիկանապետ Աթանուր Այդընն էլ հայտարարել էր, որ կասկածյալն իր ընտանիքի հետ միասին աքսորվելու է երկրից:
Թուրքիայում տեղի ունեցած դեպքերին հաջորդել էին հուլիսի 1-ին Սիրիայի մի շարք շրջաններում բողոքի ակցիաները, որի ընթացքում այրվել և ապամոնտաժվել են Սիրիայի տարբեր շրջաններում տեղակայված թուրքական դրոշները:
Թուրքիայի ռազմաբազաների մոտ հավաքված ամբոխին կանգնեցնելու համար թուրքական ԶՈՒ-ն նույնիսկ կրակ է բացել դեպի օդ:
Հուլիսի 2-ին հարձակումներ են իրականացվել Սիրիա մուտք գործող թուրքական բեռնատարների ուղղությամբ: Եղել են նաև զինված բախումներ, որոնց հետևանքով մահացել է 1, իսկ վիրավորվել 7 մարդ:
Այս ենթաբաժնի վերջին նորությունները
Սոցցանցերի թուրքական տիրույթում տարածվել էր Շրայդերի հարցազրույցից հատված, որում նշել է, թե նախորդ օրը արձակված իրանական հրթիռներից որևէ մեկը չի անցել Իսրայելի տարածքը։
Երկու նախագահների մասնակցությամբ Քահրամանմարաշում տեղի է ունենալու երկրաշարժից հետո կառուցված «Ադրբեջանի թաղամասի» բացումը։
Քննարկվել են Հարավային Կովկասում խաղաղության և կարգավորման գործընթացը, Ռուսաստան-Ուկրաինա պատերազմը և Մերձավոր Արևելքում Իսրայելի ագրեսիան։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
«Kharabakh Records» տելեգրամյան ալիքը գրել է. «Թուրքիայի մամուլից նման բան չէինք սպասում»։
Այցի ընթացքում անցկացվել են սահմանային անվտանգության հետ կապված ստուգումներ։
«Leonardo» ընկերությունը հայտնի է Իսրայելի համար զենք և ռազմական տեխնոլոգիաների մատակարարմամբ։
«Իսրայելի ղեկավարությունը տարածաշրջանային խաղաղության դեմ համընդհանուր հակամարտության ռազմավարություն է իրականացնում»։
Էյալ Բերկովիչ․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ ահա եզրափակիչը կանցկացնենք Թուրքիայի հետ»:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |