Հունգարիայի ԱԳ նախարար.«Եթե Թուրքիան չլիներ, մեր էներգիակիրների մատակարարումն ապահով չէր լինի»

Տնտեսական15:13, 13 Հունիս 2024

Հունգարիայի ԱԳ նախարար.«Եթե Թուրքիան չլիներ, մեր էներգիակիրների մատակարարումն ապահով չէր լինի»

Հունգարիայի արտաքին գործերի և արտաքին առևտրի նախարար Պետեր Սիյարտոն նշել է, որ Թուրքիան և Հունգարիան ռազմավարական համագործակցություն ունեն էներգետիկ ոլորտում։ Նա մասնավորապես նշել է. «Թուրքական հոսք (TürkAkım) գազատարը մատակարարման շատ անվտանգ երթուղի է և Թուրքիան շատ վստահելի գործընկեր է»։

Արտգործնախարարը մատնանշել է, որ Ուկրաինայի տարածքով բնական գազի մատակարարումները կդադարեցվեն և նշել է. «Եթե Թուրքիան չլիներ, մեր էներգիակիրների մատակարարումն ապահով չէր լինի։ Եթե այս խողովակաշարը (TürkAkım) չլիներ հիմա շատ լուրջ խնդիրներ մեր առջև ծառացած կլինեին»։

Միևնույն ժամանակ նա հավելել է, որ ՌԴ, Սերբիան և Բուլղարիան ևս կարևոր դեր են խաղացել այդ մատակարարման գործում և նշել, որ եթե չկառուցվեր «թուրքական հոսք» գազատարը, իրենք վստահ չէին լինի, թե ինչպես ապահովել անվտանգ մատակարարում Հունգարիա մոտակա ժամանակահատվածում։

Անդրադառնալով Թուրքիայի նախագահ և Հունգարիայի վարչապետ Վիկտոր Օրբանին, արտգործնախարարը հայտնել է, որ նրանք կարող են ներդաշնակ աշխատել և հավելել. «Մենք լավ ռազմավարական համագործակցություն ունենք հիմնված՝ երկու առաջնորդների շատ լավ անձնական հարաբերությունների վրա։ Երկու երկների միջև լավ քիմիան ռազմավարական համագործակցության համար շատ կայուն հիմք է ստեղծում»։

Աղբյուր` dunya.com

Այս ենթաբաժնի վերջին նորությունները

14:34, 30 ապր

Թուրքիայի զբոսաշրջության ոլորտը նոր ռեկորդներ է սահմանում

Մասնագետների կարծիքով, ընթացիկ միտումների պահպանման դեպքում Թուրքիան 2025 թվականին կարող է դառնալ աշխարհի առաջատար զբոսաշրջային ուղղություններից մեկը: