Անկարայում ԱՄՆ դեսպան. «ԱՄՆ-Թուրքիա ռազմավարական կապերը երբեք այսչափ ամուր չեն եղել»

Քաղաքական17:57, 12 Հունիս 2024

Անկարայում ԱՄՆ դեսպան. «ԱՄՆ-Թուրքիա ռազմավարական կապերը երբեք այսչափ ամուր չեն եղել»

Անկարայում ԱՄՆ դեսպան Ջեֆ Ֆլեյքը հարցազրույց է տվել բրիտանական «Reuters» լրատվական գործակալությանը։ Դեսպանը մասնավորապես անդրադարձել է ԱՄՆ-Թուրքիա հարաբերություններին և Թուրքիայի «BRICS»-ի անդամակցությանը և այլ հարցերի։

«Թուրքիայի և ԱՄՆ-ի միջև ռազմավարական հարաբերություններն ամրապնդվում են և ՆԱՏՕ-ի ընդլայնումից և F-16 կործանիչների վաճառքի համաձայնագրից հետո Թուրքիան խարսխվել արևմուտքին։ ԱՄՆ Կոնգրեսի տեսակետը Թուրքիայի նկատմամբ նախկինի համեմատ ավելի լավն է։ ԱՄՆ-Թուրքիա ռազմավարական կապերը երբեք այսչափ ամուր չեն եղել»,- նշել է Ֆլեյքը։

Անդրադառնալով ԱՄՆ նախագահ Ջո Բայդենի և Թուրքիայի նախագահ Ռեջեփ Թայիփ Էրդողանի հանդիպման վերաբերյալ հարցին՝ դեսպանը նշել է, որ Վաշինգտոնում հաջորդ ամիս կկայանա ՆԱՏՕ-ի գագաթնաժողովը, որը լավ հնարավորություն է Բայդեն-Էրդողան հանդիպման համար։ Ֆլեյքը նաև հավելել է, որ մայիսին նախատեսված էր երկու երկրների նախագահների հադիպումը, որը Գազայի իրավիճակի հետ կապված դժվար քաղաքական շրջանում չեղարկվել է ժամանակացույցի անհամաձայնության պատճառով։

Անդրադառնալով Գազայի հարցին՝ դեսպանն ընդգծել է, որ ԱՄՆ-ն Թուրքիային խնդրել է հրադադարի շուրջ բանակցությունների ընթացքում ՀԱՄԱՍ-ի առաջնորդներին որոշ ուղերձներ փոխանցել։

Ֆլեյքը, պատասխանելով Թուրքիայի «BRICS» (միջազգային տնտեսական միություն) կազմակերպությանը անդամակցելու հարցին, նշել է.«Հույս ունեմ, որ Թուրքիան չի անդամակցի «BRICS»-ին, սակայն եթե դա տեղի ունենա կարելի է սպասել դիվանագիտական փոքր փոփոխությունների»։

Հիշեցնենք, որ Թուրքիայի արտգործնախարար Հաքան Ֆիդանը Չինաստան կատարած այցի ընթացքում հայտարարել է, որ Թուրքիան ցանկանում է դառնալ ,BRICS»-ի անդամ։ Այս հայտարարությանն անդրադարձել է ՌԴ նախագահի մամուլի խոսնակ Դմիտրի Պեսկովը և նշել, որ ՌԴ-ն աջակցում է «BRICS»-ին միանալու Թուրքիայի հետաքրքրությանը։

Աղբյուր` ntv.com.tr

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։