Ռուս քաղաքագետը հավանական է համարում, որ Թուրքիան դուրս կգա ՆԱՏՕ-ից

Քաղաքական11:30, 11 Հունիս 2024

Ռուս քաղաքագետը հավանական է համարում, որ Թուրքիան դուրս կգա ՆԱՏՕ-ից

Ռուս փիլիսոփա և քաղաքագետ Ալեքսանդր Դուգինն անդրադարձել է Թուրքիայի արտգործնախարար Հաքան Ֆիդանի այն հայտարարությանը, ըստ որի, Անկարան ցանկանում է միանալ BRICS-ին։

BRICS-ը Բրազիլիա, Ռուսաստան, Հնդկաստան, Չինաստան և Հարավաֆրիկյան Հանրապետության անվանումների հապավումն է։ Հիշյալ երկրներն այդ կազմակերպության անդամներ են ու ամեն տարի անցկացնում են գագաթնաժողով։

Ըստ Դուգինի՝ Ֆիդանի հայտարարությունը «պատմական և, ըստ էության, բեկումնային կետ է» Անկարայի համար։

«Թուրքիան այս կողմնորոշմամբ կամրապնդի իր անկախությունը։ Չնայած բոլոր դժվարություններին՝ Թուրքիան կարողացավ հավասարակշռություն պահպանել տարբեր բևեռների միջև։ Սակայն միևնույն մարդը չի կարող միանգամից երկու աթոռին նստել։ Թուրքիայի հավասարակշռության քաղաքականությունը չի կարող այսպես շարունակվել։ Թուրքիան մոտենում է ընտրություն կատարելու խաչմերուկին»,-նշել է նա։

Դուգինի կարծիքով, եթե Թուրքիան դառնա BRICS-ի անդամ, ապա այս իրավիճակը, ի վերջո, կհանգեցնի նրան, որ Թուրքիան դուրս կգա ՆԱՏՕ-ից։

Աղբյուր` Ermenihaber.am

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։