Քաղաքական14:25, 31 Մայիս 2024
Էրդողանը սպառնում է Սիրիայի քրդերին նոր ռազմական գործողություններով
Թուրքական լրատվամիջոցներին, ինչպես նաև Թուրքիայի ղեկավարությանը մեծապես անհանգստացրել է Սիրիայի հյուսիսում քրդերի կողմից նախաձեռնվելիք ՏԻՄ ընտրությունները։
ՏԻՄ ընտրությունների հարցին անդրադարձել է նաև Թուրքիայի նախագահ Ռեջեփ Թայիփ Էրդողանը և սպառնացել քրդերին նոր ռազմական գործողություններով։
«Մենք ուշադիր հետևում ենք ահաբեկչական կազմակերպության ագրեսիվ գործողություններին մեր երկրի և Սիրիայի տարածքային ամբողջականության դեմ՝ ընտրությունների պատրվակով: Մենք նախկինում արել ենք այն, ինչ անհրաժեշտ էր... Մենք չենք վարանի նորից գործելու, եթե հայտնվենք նույն իրավիճակում։ Երբ խոսքը վերաբերում է մեր երկրի տարածքային ամբողջականությանը, մենք ոչ մեկին չենք լսում և չենք ծնկել որևէ սպառնալիքի առաջ»,- նշել է Էրդողանը։
Հիշեցնենք, որ Թուրքիան ահաբեկչական է համարում Սիրիայի քրդական ուժերին, որոնց դեմ պաշտոնական Անկարան վերջին տարիներին մի քանի խոշոր ռազմական գործողություններ է իրականացրել։ Տեղի ունեցած օպերացիաների հետևանքով մի շարք շրջաններ հայտնվել են Թուրքիայի հովանու ներքո գտնվող ընդդիմադիր ծայրահեղականների փաստացի օկուպացման տակ։
Չնայած ՄԱԿ-ի, Սիրիայի ու մի շարք այլ երկրների կոչերին, Թուրքիայի զինված ուժերը ու նրանց հարող ուժերը շարունակում են մնալ Սիրիայի հյուսիսի որոշ հատվածներում։
Այս ենթաբաժնի վերջին նորությունները
Միջոցառումները վերաբերում են էներգետիկ ոլորտին։
Էրդողան-Միցոտակիս հանդիպումից առաջ նախատեսված է նաև Հունաստանի արտաքին գործերի նախարար Յորգոս Գերապետրիտիսի այցը Թուրքիա։
Էրդողանի և Իտալիայի վարչապետի նախագահությամբ գումարված գագաթնաժողովից հետո ստորագրվել է 11 պայմանագիր:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
«Լրագրողներ առանց սահմանի» (RSF) միջազգային կազմակերպությունը հրապարակել է «Մամուլի ազատության ինդեքս 2025» ամենամյա զեկույցը։
Իտալական «Ինտերի» գլխավոր մարզիչ Սիմոնե Ինձագին և նույն թիմի կիսապաշտպան Հաքան Չալհանօղլուն որակազրկվել են Իտալիայի ֆուտբոլի առաջնության մեկ խաղով:
Ստուգումներն իրականացվել են մի շարք հասարակական վայրերում և ստուգվել է 420.269 անձի ինքնությունը։
Նշվում է, որ փառատոնը կտևի մինչև մայիսի 4-ը։
Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |