Իրավական15:36, 31 Մայիս 2024
Ընթերցվել է Հրանտ Դինքի սպանության գործով Թուրքիայի գլխավոր դատախազի կարծիքը
Ստամբուլում սպանված «Ակօս» թերթի գլխավոր խմբագիր Հրանտ Դինքի դատավարության շրջանակներում դատարան է ներկայացվել գլխավոր դատախազի կարծիքը:
Հերթական դատական լսումներին, որն անցկացվել է Ստամբուլի 14-րդ քրեական դատարանում, մասնակցել են նաև գործող կալանավորված կասկածյալներ Օքան Շիմշեքը, Գազյի Գյունային, Վեյսալ Շահինն ու նրանց փաստաբանները: Հեռավար տարբերակով մասնակցել է ևս 4 կալանավոր և 11 կասկածյալ:
Լսումների ընթացքում ընթերցված կարծիքի համաձայն՝ 22 տարի 6 ամսից մինչև 30 տարի ազատազրկում է պահանջվել գործով կասկածյալ Բեքիր Յոքուշի նկատմամաբ: Նա մեղադրվել է «Նախագծված և դիտավորությամբ իրականացված սպանությանն աջակցելու» և «Սահմանադրությունը խախտելու» համար:
Նույն հիմունքներով նույն պատիժը պահանջվել է նաև գործով կասկածյալ Յավուզ Քարաքայայի նկատմամբ:
Վեյսալ Շահինի, Ալի Օզի, Գազի Գյունայի, Հասանք Դուրմուշօղլուի, Մեհմեդ Այհանի, Օքան Շիմշեքի, Օնուր Քարաքայայի, Օսման Գյուլբելի նկատմամբ էլ պահանջվել է սահմանել խիստ պայմաններով ցմահ ազատազրկում:
Դատախազի կարծիքի դեմ իրենց բողոքն արտահայտելու համար Դինքի ընտանիքի փաստաբանները ժամանակ են խնդրել:
Արդյունքում դատարանը որոշում է կայացրել պահպանել գործով մեղադրյալներին կալանքի տակ պահելու նախկինում ընդունված որոշումը:
Բացի այդ որոշվել է սպասել փախուստի մեջ գտնվող մեղադրյալ Ֆարուք Սարըյի հետ կապված որոշմանը, իսկ լսումները՝ հետաձգել հուլիսի 16-ից 17-ը:
Հիշեցնենք, որ Հրանտ Դինքի մարդասպան Օգյուն Սամասթը 16 տարի անազատության մեջ գտնվելուց հետո ժամկետից շուտ ազատ էր արձակվել «լավ պահվածքի» համար:
Բանտից դուրս գալուց հետո Սամասթին առաջադրվել էր նոր մեղադրանք, ըստ որի՝ նա սպանությունը կատարելու ժամանակ եղել է Թուրքիայում ահաբեկչական համարվող FETO-ի՝ գյուլենական շարժման անդամ և հանցագործությունը կատարել է այդ շարժման անունից:
Նշվում է, որ հիշյալ մասով նրան ի սկզբանե մեղադրանք չի առաջադրվել իր անչափահաս լինելու պատճառով:
Հրանտ Դինքը սպանվել է 2007թ. հունվարի 19-ին Ստամբուլում՝ «Ակօս» թերթի խմբագրատան դիմաց: Թուրքիայում նա մշտապես բացահայտ խոսել է 1915-ի Հայոց ցեղասպանության մասին։ Մշտապես հանդես է եկել հայ և թուրք ժողովուրդների երկխոսության կոչերով՝ նշելով, որ դա կհանգեցնի երկու երկրների միջև հարաբերությունների կարգավորմանը:
Սպանությունից առաջ Հրանտ Դինքը դատապարտվել էր Թուրքիայի ՔՕ 301 հոդվածով, որը պատիժ է սահմանում «թուրք ազգին վիրավորելու համար»: Նրա սպանությունից հետո Թուրքիայի ողջ տարածքում տեղի են ունեցել բազմահազարանոց ցույցեր: Սպանությունը դատապարտել էին նաև օտարերկրյա պետությունների ղեկավարները և միջազգային հանրությունը։
Այս ենթաբաժնի վերջին նորությունները
Օզգյուր Օզելը մեղադրվում է Թուրքիայի նախագահին վիրավորելու մեջ:
Միջադեպը տեղի է ունեցել օգոստոսի 11-ին, երբ ընտանիքը վերադառնում էր ճամփորդությունից։
Ընդդիմադիր HKP-ի առաջնորդ Նուրրուլահ Էֆե Անքութը դատապարտվել է 1 տարի 2 ամիս և 22 օր ազատազրկման։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները:
Ամերիկյան «Global Guardian» թերթը հրապարակել է աշխարհի ամենավտանգավոր երկրների ցանկը:
Ռումինիայի պաշտպանության նախարար Իոնուտ Մոստեանուն կոչ է արել Ռումինիայի, Բուլղարիայի և Թուրքիայի միջև ստեղծված ականազերծման գործադիր խմբի լիազորությունները ընդլայնել:
Թուրքիան կշարունակի պայքարել 1967թ. սահմանների հիման վրա՝ անկախ և ինքնիշխան Պաղեստինի պետության ստեղծման համար:
Թուրքիայի մամուլի ֆեդերացիայի նախագահը ակցիայի ընթացքում նշել է, որ Նեթանյահուն ներկայացրել է «Մեծ Իսրայել» նախագիծը, որտեղ ներառված է նաև Թուրքիայի տարածքը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |