ERMENI HABER AJANSI

Թուրքիայի էներգետիկայի և բնական պաշարների նախարար Ալփարսլան Բայրաքթարը հայտարարել է, որ վերականգնվող էներգիայի 58.462 մեգավատ հզորությամբ  Թուրքիան զբաղեցնում է 11-րդ տեղը աշխարհում, իսկ մինչ այդ զբաղեցնում  էր 12-րդ տեղը։ «Մինչև 2035-ը՝ 12 տարվա ընթացքում ցանկանում ենք վերականգնվող էներգիայի հզորությունը հասցնել 60.000 մեգավատի»,-նշել է նախարարը։ 

Առաջին հորիզոնականում Չինաստանն է, որին հաջորդում են ԱՄՆ-ն և Բրազիլիան։

Ըստ Բայրաքթարի՝ վերականգնվող էներգիայով Թուրքիան Եվրոպայում 5-րդն է և այս ոլորտում Թուրքիան նպատակադրված է ամեն տարի շահագործման հանձնել ևս 5.000 մեգավատ հզորությամբ էներգիա, որից 3500 մեգավատ  կստացվի արևային էներգիայից, իսկ 1500-ը՝ քամուց։2024-ի ապրիլի տվյալներով՝ այն արդեն կազմել է 1400 մեգավատ և մինչև տարեվերջ միանշանակ կհասնի 5.000 մեգավատի։

Նախարարը նաև նշել է, որ արևային էներգիան, որը կազմում է 25.000 մեգավատ 2024-ի վերջին կհասնի 30.000 մեգավատի, իսկ 2025-ին նախատեսվում է հասցնել 35.000մեգավատի։ Նպատակադրվածություն կա մինչև 2035-ը այն հասցնել 90.000-ի։ Այդ կերպ վերականգնվող ռեսուրսներից արտադրած էլեկտրաէներգիայի շնորհիվ կկանխվի ներմուծումը և կլինի ներկրվող բնական գազի, ածխի և նավթի կրճատում։