Թուրքիան Աֆրիկայում վերածվել է ազդեցիկ նոր ուժի

Քաղաքական14:52, 27 Մայիս 2024

Թուրքիան Աֆրիկայում վերածվել է ազդեցիկ նոր ուժի

Արևմուտքի օրակարգային հարցերի թվում է Թուրքիայի աֆրիկյան դիվանագիտությունը։ Գերմանիական հիմնադրամներից մեկի ղեկավարը վերլուծություն է հրապարակել Աֆրիկայում Թուրքիայի ազդեցության վերաբերյալ։

Ըստ նրա՝ Թուրքիան Աֆրիկայում ազդեցիկ նոր ուժ է։ Վերլուծության մեջ մասնավորապես նշվում է, որ Թուրքիան առևտրի, կրթության և հատկապես ռազմական ոլորտում աջակցում է այդ մայրցամաքին և վերջին 20 տարում այնտեղ իր դեսպանատների թիվը 12-ից հասցրել է 44-ի։

Նշվում է, որ Թուրքիան Աֆրիկայւմ նոր հնարավորություններ է տեսնում և հատկապես ուշադրություն է դարձվել Թուրքիայի նախագահ Ռեջեփ Թայիփ Էրդողանի՝ Աֆրիկայում ունեցած շփումներին։

Ըստ հեղինակի դիտարկման՝ Եվրոպան և Գերմանիան կարող են շատ բան սովորել Թուրքիայի աֆրիկյան երկարաժամկետ ռազմավարությունից։ Անդրադառնալով այն իրողությանը, որ Աֆրիկան Թուրքիայի համար վերածվել է նոր մեծ շուկայի՝ նշվում է, որ այնտեղ են ուղարկվել մեծ թվով անօդաչու թռչող սարքեր։ Մասնավորապես «Բայրաքթար» ԱԹՍ-ները եղել են ամենավաճառվողների թվում՝ սկսած այն պահից, երբ կիրառվել են 2019-ի Լիբիայի քաղաքացիական պատերազմում։

Աղբյուր` trthaber.com/

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։