Էրդողան. «Ռումինիայի քաղաքացիները կկարողանան Թուրքիա այցելել նույնականացման քարտով»

Քաղաքական10:15, 22 Մայիս 2024

Էրդողան. «Ռումինիայի քաղաքացիները կկարողանան Թուրքիա այցելել նույնականացման քարտով»

Թուրքիայի նախագահ Ռեջեփ Թայիփ Էրդողանը հանդիպել է Ռումինիայի վարչապետ Մարսել Չոլակույի հետ: Հանդիպումից հետո կողմերը հանդես են եկել համատեղ մամուլի ասուլիսով:

Էրդողանը հայտնել է, որ Ռումիայի քաղաքացիներն արդեն Թուրքիա կկարողանան այցելել նաև նույնականացման քարտերով (ID):

«Այս առիթով ցանկանում եմ հայտնել, որ ընդունել ենք Ռումինիայի քաղաքացիներին նույնականացման քարտով մեր երկիր այցելելու հնարավորություն ընձեռող կարգավորումը»,-ասել է նա:

Բացի այդ, նա հայտարարել է, որ Ռումինիայի վարչապետի հետ ապահովել են երկու երկրի միջև բարձր մակարդակի ռազմավարական համագործակցության խորհրդի ստեղծումը՝ ստորագրելով համատեղ հայտարարություն:

Ընդգծվել է, որ ռումինական պետության և Թուրքիայի միջև առևտրաշրջանառության ծավալները 2 տարի է՝ ինչ կազմում են 10 մլրդ դոլար, իսկ նպատակը 15 մլրդ դոլարի հասցնելն է:

«Այս ուղղությամբ քայլ առ քայլ առաջ ենք շարժվում: Ռումինիայում մեր ընկերությունների ներդրումների ծավալը մոտեցել է 8 մլրդ դոլարի»,-ասել է Թուրքիայի նախագահը:

Էրդողանն ընդգծել է նաև, որ ռումինացի գործընկերոջ հետ քննարկել են ահաբեկչության դեմ պայքարին վերաբերող հարցեր: Ընդգծվել է թեմայի շրջանակներում Թուրքիայի ունեցած ակնկալիքները:

Աղբյուր` trthaber.com

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։