Թուրքերի շրջանում մեծ աղմուկ է բարձրացրել Ադրբեջանի շնորհավորանքը Իսրայելին

Քաղաքական14:48, 16 Մայիս 2024

Թուրքերի շրջանում մեծ աղմուկ է բարձրացրել Ադրբեջանի շնորհավորանքը Իսրայելին

Ադրբեջանի արտգործնախարարությունը X սոցիալական հարթակում շնորհավորել է Իսրայելի անկախության օրը։ Այդ գրառման մեջ մասնավորապես նշվում է. «Մեր շնորհավորանքներն ու բարեմաղթանքներն ենք հղում Իսրայելին անկախության օրվա առթիվ։ Շնորհավոր Իսրայելի ազգային տոնը»։

Վերոնշյալ շնորհավորանքը մեծ աղմուկ է բարձրացրել թուրք հասարակության շրջանում։ Նշվում է, որ թուրքերի վրդովմունքին Ադրբեջանը ոչ մի կերպ չի արձագանքել։

«Շեշտվում է, որ այդ շնորհավորանքը բացասական արձագանք է գտել պաղեստինյան հարցի հանդեպ մեծ զգայունություն ունեցող թուրք հանրության շրջանում»,- գրում է աղբյուրը։

Նշվում է, որ Ադրբեջանի և Իսրայելի հարաբերությունները շատ անգամ են քննարկվել թուրքական մեդիայում։ Նաև հիշեցում է արվում Իսրայելի հետ Ադրբեջանի ունեցած զենքի գործարքների մասին։

«Վերջին ամիսներին «IHH» (Humanitarian Relief Foundation) հիմնադրամի նախագահ, իրավաբան և ակտիվիստ Բյուլենթ Յըլդըրըմի պնդմամբ՝ Ադրբեջանը Ջեյհան խողովակաշարով վառելիք է ուղարկել իսրայելական ինքնաթիռներին»։

Հիշեցնենք, որ Իսրայելի և Գազայի միջև ռազմական գործողությունների վերսկսկումից հետո վատթարացել էին Իսրայել-Թուրքիա հարաբերությունները։ Թուրքիան դեմ է հանդես գալիս Իսրայելին, իսկ Ադրբեջանը պաշտպանում է Իսրայելի գործողությունները Գազայում։

Աղբյուր` yeniakit.com.tr

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։