Հանդիպում Թուրքիայի, Ադրբեջանի և ինքնահռչակ ՀԿԹՀ-ի խորհրդարանների բարեկամական խմբերի միջև

Քաղաքական09:21, 15 Մայիս 2024

Հանդիպում Թուրքիայի, Ադրբեջանի և ինքնահռչակ ՀԿԹՀ-ի խորհրդարանների բարեկամական խմբերի միջև

Մայիսի 14-ին Հյուսիսային Կիպրոսի ինքնահռչակ թուրքական հանրապետության (ՀԿԹՀ) խորհրդարանի նախագահ Զորլու Թյորեն հանդիպել է Թուրքիա-Ադրբեջան միջխորհրդարանական բարեկամական խմբի նախագահ Շամիր Այրըմին, Թուրքիա- ինքնահռչակ ՀԿԹՀ միջխորհրդարանական բարեկամական խմբի նախագահ Օրհան Էրդեմին և Ադրբեջան- ինքնահռչակ ՀԿԹՀ միջխորհրդարանական բարեկամական խմբի նախագահ Ջավանշիր Ֆեզիևի հետ:

Կողմերը քննարկել են հարաբերությունների զարգացման վերաբերյալ հարցեր, ինչպես նաև անդրադարձել տարածաշրջանային ու համաշխարհային նշանակության հարցերի:

Օրակարգում է եղել նաև Պաղեստինի Գազայի հատվածում տիրող իրավիճակը:

Հանդիպմանը մասնակցած ինքնահռչակ ՀԿԹՀ-Թուրքիա միջխորհրդարանական բարեկամական խմբի նախագահը Թուրքիայի և Ադրբեջանի կողմից բազմիցս կիրառվող «Երկու պետություն, մեկ ազգ» կարգախոսի փոխարեն կիրառել է «Երեք պետություն, մեկ ազգ» եզրույթը:

Հատկանշական է, որ վերոնշյալ արտահայտությունը տեղ է գտել նաև կողմերի հանդիպման սենյակի ետնամասում՝ գրավոր տարբերակով:

Հիշեցնենք, որ բարեկամական խմբերի նախագահներն իրենց պատվիրակությունների հետ միասին սկսել էին ժամանել ինքնահռչակ թուրքական հանրապետություն մայիսի 12-ից: Առաջինն այցելել էր Ֆեզիևը:

Աղբյուր` trthaber.com

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։