Հասարակական15:31, 14 Մայիս 2024
Թուրք դիվանագետի պահվածքը վերածվել է սկանդալի
Վերջին օրերին թուրք հանրության շրջանում Լիոնում Թուրքիայի դիվանագիտական ներկայացուցչի պահվածքի վերաբերյալ սկանդալ է հասունանում, որն ուղեկցվում է տարբեր սոցհարթակներում օգտատերերի բուռն քննարկումներով:
Մասնավորապես մայիսի 7-ին Ֆրանսիայի Լիոն քաղաքում Թուրքիայի գլխավոր հյուպատոս Ջեմիլ Չաղդաշ Յըլդըրըմը հանդիպել է Լիոնի պատրիարքի հետ։ Հանդիպման հրապարակված լուսանկարում Յըլդըրըմն աչքի է ընկել ձեռքի տարօրինակ ժեստով:
Հանրության շրջանում քննարկումներ էին ծավալվել այն մասին, թե ի վերջո ի՞նչ է վնշանակում այդ ժեստը քաղաքական առումով կամ թեկուզ այլ: Դեպքի քննարկումներին ներգրավվել էին նաև քաղաքագետներ:
Արդյունքում պարզ էր դարձել, որ տեղի ունեցածը ոչ մի ուղերձ և առավել ևս քաղաքական ուղերձ չի պարունակում և դա դիվանագետին ոչ հարիր պահվածք է:
Լուսանկարում տեղ գտած ժեստի պատճառով, որտեղ թուրք դիվանագետը դեպի ներքև է պարզել իր ցուցամատը, ավելի ուշ գրառումը հեռացվում է դիվանագիտական ներկայացուցչության պաշտոնական էջից, սակայն այդ քայլով չի հաջողվում կանխել լուսանկարի տարածումը:
Ermenihaber.am-ը փորձել է պարզել, թե ինչպիսին էին արձագանքները Թուրքիայի հանրության շրջանում: Ահա դրանցից մի քանիսը։
Facebook-ի թուրք օգտատերերը հիմնականում գրել են.
«Նկարում է թաքնված այն բանի պատճառը, թե ինչու մենք շենգեն չենք կարողանում ստանալ»։
«Դիվանագետ Ջեմիլ Յըլդըրըմը Լիոնի պատրիարքարան կատարած այցի ընթացքում ցույց է տվել իր ցուցամատն ու մեկ քայլ շուտ լուսանկար հրապարակել»։
«Մեր արտաքին գործերի նախարարությունը միշտ արժանի դիվանագետներ էր նշանակում: Լիոնի մեր հյուպատոսի պահվածքն ընդհանրապես աններելի է»։
Թեմային արձագանքել է նույնիսկ Թուրքիայում իշխող «Արդարություն և զարգացում կուսակցության» (ԱԶԿ-AKP) պատգա,վոր Օրհան Միրօղլուն:
Նա X-ում (նախկին Twitter) կատարած գրառմամբ դիվանագետի քայլը որակել է «աչքի ընկնելու փորձ»։
«Անթույլատելի է։ Եթե այս հոգեկան վիճակը վերածվի ինչ-որ երկրի ազգային հոգեվիճակի, ապա խաղաղությունն աշխարհի հետ ինչպե՞ս պիտի կարողանա գոյակցել»:
Այս ենթաբաժնի վերջին նորությունները
Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։
Նրան X-ում հետևում է շուրջ 10 մլն մարդ։
Թուրքիայի վիճակագրական ինստիտուտը տվյալներ է հրապարակել 2024-ին երկրում տեղի ունեցած ճանապարհատրանսպորտային պատահարների մասին։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Մայիսի 8-ին Թուրքիայի նախագահն անդրադարձել է «Քուրդիստանի բանվորական կուսակցության» հնարավոր ինքնալուծարմանը:
Նշվում է, որ համագործակցության շրջանակում այց է կատարվել Ադրբեջանի ռազմածովային ուժերին պատկանող ուսումնական կենտրոններ ու նավաշինարաններ։
Թուրքիայի նախագահը հեռախոսազրույց է ունեցել Պակիստանի վարչապետի հետ։
Ըստ Սոմալիի և Թուրքիայի միջև կնքված նավթային ոլորտի համագործակցության համաձայնագրի՝ ստացված եկամուտների 30 տոկոսը պատկանում է թուրքական կողմին։
Նրան X-ում հետևում է շուրջ 10 մլն մարդ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |