Էրդողանը նախատել է Հունաստանի վարչապետին ՀԱՄԱՍ-ն ահաբեկչական կոչելու համար

Քաղաքական16:42, 14 Մայիս 2024

Էրդողանը նախատել է Հունաստանի վարչապետին ՀԱՄԱՍ-ն ահաբեկչական կոչելու համար

Համաշխարհային մամուլի ուշադրության կենտրոնում է հայտնվել Թուրքիայի նախագահ Ռեջեփ Թայիփ Էրդողանի՝ Պաղեստինի Գազայի հատվածում իշխող «ՀԱՄԱՍ» խմբավորմանը պաշտպանող հերթական հայտարարությունը։

Մայիսի 13-ին Հունաստանի վարչապետ Կիրիակոս Միցոտակիսի հետ Անկարայում տեղի ունեցած հանդիպման ընթացքում Էրդողանը միջամտել է վերջինիս խոսքին, երբ նա, խոսելով «ՀԱՄԱՍ»-ի մասին, այն անվանել է ահաբեկչական կազմակերպություն։

Թուրքիայի նախագահն ափսոսանք է հայտնել, որ իր հույն գործընկերն օգտագործում է ահաբեկչական կազմակերպություն անվանումը՝ «ՀԱՄԱՍ»-ին բնութագրելու համար և շեշտել, որ այն պաղեստինյան դիմադրական շարժում է, իսկ դրա անդամները՝ դիմադրության մարտիկներ։

Թուրքիայի նախագահի այս միջամտությանն են անդրադարձել իսրայելական, բրիտանական և արաբական որոշ լրատվամիջոցներ։

Իսրայելական մամուլը դատապարտել է Էրդողանին՝ «ՀԱՄԱՍ»-ին պաշտպանելու համար, բրիտանական մամուլը նշել է, որ Էրդողանն աջակցում է խմբավորմանը, իսկ արաբական մամուլը գրել է, որ Թուրքիայի նախագահը քննադատել է «Հյուսիսատլանտյան դաշինքի»-ի (ՆԱՏՕ) իր դաշնակցին «ՀԱՄԱՍ»-ի պատճառով։

Աղբյուր` https://www.sondakika.com/

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։