Քաղաքական09:36, 08 Մայիս 2024
Թուրքիայի և Քուվեյթի միջև 6 փոխըմբըռնման հուշագիր է ստորագրվել
Մայիսի 7-ին Անկարայում հանդիպել են Թուրքիայի նախագահ Ռեջեփ Թայիփ Էրդողանն ու Քուվեյթի էմիր Շեյխ Մեշաալ ալ-Ահմեդ ալ-Ջաբեր աս-Սաբահը:
Երկկողմ հանդիպման ընթացքում կողմերն անդրադարձ են կատարել Պաղեստինի Գազայի հատվածում տիրող իրավիճակին, որի համատեքստում էլ Էրդողանը կարևորել է Քուվեյթի ունեցած դիրքորոշումը: Այն է՝ Իսրայելի կողմից իրականացվող գործողություններին դեմ լինելը:
Այս թեմային զուգահեռ անդրադարձ է կատարվել նաև երկկողմ տնտեսական և առևտրական հարաբերություններին:
Էրդողանն ու Սաբահը քննարկել են առկա առևտրաշրջանառության ծավալները 5 մլրդ դոլարի հասցնելու նպատակով իրականացվելիք քայլերը: Ընդգծվել է նաև փոխադարձ ներդրումների կարևորությունը:
Թուրքիայի նախագահը հանդիպման ընթացքում Քուվեյթի իր գործընկերոջը վստահեցրել է, որ Թուրքիան շարունակելու է աջակցել Քուվեյթի ինքնիշխանությանը, տարածքային ամբողջականությանն ու անվտանգությանը:
Հանդիպման ավարտին Էրդողանը Սաբահին պարգևատրել է Թուրքիայի Հանրապետության պետական շքանշանով:
Երկու երկրի ղեկավարների հանդիպմանը հաջորդել է տարբեր գերատեսչությունների, մարմինների և կառույցների միջև 6 փոխըմբըռնման հուշագրի սգտորագրման արարողություն:
Հուշագրերը վերաբերել են գովազդային գործունեությանը, առևտրին, բնակարանաշինությանն ու շրջակա միջավայրին, ռազմարդյունաբերությանը և դրա արտադրանքի մատակարարմանը, աղետների և արտակարգ իրավիճակների կառավարման ոլորտում համագործակցությանը և երկու երկրի միջև ռազմավարական երկխոսության հարթակի ձևավորմանը:
Այս ենթաբաժնի վերջին նորությունները
Մայիսի 8-ին Թուրքիայի նախագահն անդրադարձել է «Քուրդիստանի բանվորական կուսակցության» հնարավոր ինքնալուծարմանը:
Օրակարգում են երկու երկների միջև ուղիղ բախման վտանգի կանխումն ու Սիրիայում Թուրքիայի կողմից իրականացվող գործողությունները:
Թուրքիայի նախագահը հեռախոսազրույց է ունեցել Պակիստանի վարչապետի հետ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |