Թուրքիայի փոխնախագահ. «Ռեֆահի վրա Իսրայելի հարձակումը ռազմական հանցագործություն է»

Քաղաքական17:46, 07 Մայիս 2024

Թուրքիայի փոխնախագահ. «Ռեֆահի վրա Իսրայելի հարձակումը ռազմական հանցագործություն է»

Թուրքիայի փոխնախագահ Ջևդեթ Յըլմազը սոցհաշվում կատարած գրառմամբ անդրադարձել է մայիսի 6-ին Իսրայելի կողմից Գազայի հատվածի Ռեֆահ քաղաքի ուղղությամբ իրականացված օդային հարձակմանը:

Յըլմազն ընդգծել է, որ Իսրայելի կողմից իրականացված գործողությունը ռազմական հանցագործություն է:

«ՀԱՄԱՍ-ի կողմից Կատարի և Եգիպտոսի հրադադարի համաձայնագրի վերաբերյալ առաջարկների հաստատման հենց հաջորդ օրը Ռեֆահի ուղղությամբ հարձակում իրականացրած Իսրայելը հոկտեմբերի 7-ից հետո Պաղեստինի տարածքում իրականացրած ռազմական հանցագործությունների թվին ավելացրեց ևս մեկը»,-ասել է նա:

Ապա նաև հայտարարել, որ Իսրայելի վարչապետ Բենյամին Նեթանյահուն վաղ թե ուշ տալու է դրա (հանցագործության-խմբ.) պատասխանը:

Յըլմազը նաև հայտարարել է, որ Թուրքիայի նախագահ Ռեջեփ Թայիփ Էրդողանի գլխավորությամբ շարունակելու են անել ամեն հնարավոր բան, որպեսզի Իսրայելի կառավարությունը ստանա այն պատիժը, որին արժանացել է բոլոր նմանատիպ հանցագործությունների իրականացման արդյունքում:

Վերջինս իսրայելական կողմին մեղադրել է նաև միջազգային իրավունքը ոտնահարելու մեջ:

Աղբյուր` trthaber.com

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։