Քաղաքական12:14, 23 Ապրիլ 2024
Էրդողանը հանդիպել է Իրաքյան Քուրդիստանի նախագահ Նեչիրվան Բարզանիի հետ
Թուրքիայի նախագահ Ռեջեփ Թայիփ Էրդողանը Իրաքի Էրբիլ քաղաքում հանդիպել է Քուրդիստանի տարածաշրջանային կառավարության (Իրաքյան Քուրդիստան) նախագահ Նեչիրվան Բարզանիի, Քուրդիստանի տարածաշրջանային կառավարության վարչապետ Մասուր Բարզանիի և նրանց ուղեկցող պատվիրակության հետ։ Այս մասին հայտնում է Թուրքիայի նախագահականի հանրային կապերի վարչությունը։
Նշվում է, որ հանդիպման ընթացքում քննարկվել են ահաբեկչության դեմ պայքարը,տարածաշրջանային և համաշխարհային հարցեր։
Էրդողանը նշել է, որ հաճելի է տեսնել, որ Իրաքն օրեցօր հեռանում է բռնությունից։ Թուրքիայի կողմից ահաբեկչական կազմակերպություն համարվող «Քուրդիստանի բանվորական կուսակցության» (ՔԲԿ-PKK) վերաբերյալ Թուրքիայի նախագահը հայտնել է, որ ժամանակն է, որ ՔԲԿ-ի հարցը հանվի օրակարգից և նշել, որ Թուրքիան կարևորություն է տալիս ահաբեչության դեմ պայքարում միասնությանը և վճռական է դրա հաջորդ մակարդակ տեղափոխելու հարցում։
Էրդողանի խոսքով՝ Իրաքի հետ ստորագրվել են համապարփակ իրավական տեքստեր և այդ համագործակցության հեռանկարում ներառված է նաև Իրաքյան Քուրդիստանի շրջանը։ Թուրքիայի նախագահը նշել է, որ Իրաքի մայրաքաղաք Բաղդատում ստորագրված փոխըմբռման հուշագրերով աշխարհին ներկայացված Զարգացման ուղղին կծառայի ամբողջ Իրաքի բարօրությանը և խաղաղությանը, ինչպես նաև հավելել է, որ Բաղդատի և Էրբիլի վարչակազմերը պետք է առողջ երկխոսություն և աշխատանքային հարաբերություններ հաստատեն՝ թույլ չտալով երրորդ կողմերին միջամտել։
Անդրադառնալով երկու երկրների միջև առևտրային հարաբերությունների բարելավմանը՝ Էրդողանը կարևորել է Օվաքոյ-Ֆիշհաբուր սահմանային անցակետի հնարավորինս շուտ բացումը և Դերեջիք-Զեթի սահմանային դարպասով տրանսպորտային միջոցների անցումը, ինչպես նաև նշել է, որ հավատում է, որ տարածաշրջանում թուրքմենների իրավուքններն ու շահերը, հատկապես քաղաքական ներկայացուցչությունը կդիտարկվեն։
Այս ենթաբաժնի վերջին նորությունները
ՌԴ նախագահը Սանկտ Պետերբուրգում տեղի ունեցած միջազգային տնտեսական ֆորումի շրջանականերում լրագրողների հետ հարցուպատասխանի ընթացքում անդրադարձել է ռուս-ուկրաինական բանակցություններին։
Սոցցանցերի թուրքական տիրույթում տարածվել էր Շրայդերի հարցազրույցից հատված, որում նշել է, թե նախորդ օրը արձակված իրանական հրթիռներից որևէ մեկը չի անցել Իսրայելի տարածքը։
Երկու նախագահների մասնակցությամբ Քահրամանմարաշում տեղի է ունենալու երկրաշարժից հետո կառուցված «Ադրբեջանի թաղամասի» բացումը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այցի ընթացքում անցկացվել են սահմանային անվտանգության հետ կապված ստուգումներ։
«Kharabakh Records» տելեգրամյան ալիքը գրել է. «Թուրքիայի մամուլից նման բան չէինք սպասում»։
«Leonardo» ընկերությունը հայտնի է Իսրայելի համար զենք և ռազմական տեխնոլոգիաների մատակարարմամբ։
Էյալ Բերկովիչ․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ ահա եզրափակիչը կանցկացնենք Թուրքիայի հետ»:
Երկու նախագահների մասնակցությամբ Քահրամանմարաշում տեղի է ունենալու երկրաշարժից հետո կառուցված «Ադրբեջանի թաղամասի» բացումը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |