Գերմանիայի նախագահը Թուրքիայում է

Քաղաքական09:10, 23 Ապրիլ 2024

Գերմանիայի նախագահը Թուրքիայում է

Գերմանիայի նախագահ Ֆրանկ-Վալտեր Շտայնմայերը Թուրքիայում է: Նրա օդանավն ապրիլի 22-ին վայրէջք է կատարել Ստամբուլոի միջազգային օդանավակայանում:

Շտայնմայերին դիմավորել են Ստամբուլի նահանգապետ Դավութ Գյուլը, Անկարայում Գերմանիայի դեսպան Յուրքեն Շուլցը, Բերլինում Թուրքիայի դեսպան Ահմեդ Բաշար Շենը և այլ պաշտոնատար անձինք:

Գերմանիայի առաջնորդի այցը Թուրքիա պայմանավորված է երկու պետության միջև դիվանագիտական հարաբերությունների հաստատման 100-րդ տարելիցով:

Ստամբուլից հետո գերմանական պետության նախագահը լինելու է նաև Գազիանթեփում և Անկարայում:

Նշվում է, որ այցի շրջանակներում Շտայնմայերը հանդիպելու է Գերմանիայից Թուրքիա գաղթածների հետ, ինչպես նաև երկու երրի միջև առկա տնտեսական հարաբերությունների վերաբերյալ քննարկումներ է ունենալու Թուրքիայում գործող գերմանական ընկերությունների ներկայացուցիչների հետ:

Բացի այդ նախատեսվում են հանդիպումներ գիտության, արվեստի, գրականության, սպորտի և քաղաքացիական-հասարակական կազմակերպությունների ներկայացուցիչների հետ:

Ապրիլի 23-ին նա այցելելու է 2023-ի փետրվարի 6-ին Թուրքիայում տեղի ունեցած ուժգին երկրաշարժը վերապրածների համար ապաստան ծառայած Գազիանթեփի դպրոց, որը գերմանական կողմի աջակցությամբ է կառուցվել: Այստեղ Գերմանիայի նախագահը մասնակցելու է նաև հարաբերությունների տարելիցին նվիրված միջոցառմանը:

Ապրիլի 24-ին էլ, մեկնելով Անկարա, հանդիպում է ունենալու Թուրքիայի նախագահ Ռեջեփ Թայիփ Էրդողանի հետ:

Նախատեսվում է նաև այց Թուրքիայի Հանրապետության հիմնադիր Մուստաֆա Քեմալ Աթաթուրքի դամբարան:

Աղբյուր` trthaber.com

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։