Տնտեսական12:57, 19 Ապրիլ 2024
Թուրքական ընկերությունները 2.5 մլրդ դոլար են ներդրել Թաթարստանի տնտեսության մեջ
Թուրքական ընկերությունները Թաթարստանի ամենամեծ ներդրողներն են՝ նրանք 2.5 մլրդ դոլար են ներդրել Թաթարստանի տնտեսության մեջ։ Այդ մասին հայտնել է Թաթարստանի Հանրապետության նախագահ Ռուստամ Միննիխանովը Թուրքիայի նախագահի ներդրումային գրասենյակի նախագահ Բուրաք Դաղլըօղլունի հետ հանդիպման ժամանակ:
Նշենք, որ Թուրքիայի նախագահի աշխատակազմին առընթեր ներդրումային գրասենյակը մասնագիտացած է արտասահմանում Թուրքիայի ներդրումային շահերի առաջմղման գործում: Բուրաք Դաղլըօղլուն կառույցը ղեկավարում է 2020 թվականից։
Միննիխանով-Դալըօղլու հանդիպումը տեղի է ունեցել ապրիլի 19-ին Թաթարստանի Հանրապետության կառավարության տանը։
Միննիխանովն ընդգծել է, որ Թուրքիան Թաթարստանի առաջատար արտասահմանյան գործընկերներից է։ Անցած տարի ապրանքաշրջանառությունը զգալիորեն աճել է և հասել 2.9 մլրդ դոլարի։ Թաթարստանում գործում են թուրքական բազմաթիվ գործարաններ։ Թուրք ներդրողները նախագծեր են իրականացնում նաև հյուրանոցային բիզնեսի և շինարարության ոլորտում։
«Մենք շահագրգռված ենք, որ թուրքական բիզնեսը հետագայում զարգացնի իր նախագծերը Թաթարստանում և ռուսական և եվրասիական շուկաներ մուտք գործելու համար ընտրի մեր հանրապետությունը: Մենք պատրաստ ենք Թուրքիայի ընկերություններին տրամադրել հետագա աջակցություն և համատեղ նախագծերի հույս ունենալ»,- ասել է Ռուստամ Միննիխանովը։
«Ձեր հանրապետությունը ստեղծել է բոլոր անհրաժեշտ պայմանները պոտենցիալ ներդրողների համար։ Մեր համագործակցության համար շատ ոլորտներ կան, մենք պետք է ավելի ակտիվ աշխատենք: Մենք մեծ ներուժ ենք տեսնում գյուղատնտեսության ոլորտում։ Մենք ուրախ կլինենք համատեղ ծրագրեր մշակել տեղի ֆերմերների հետ։ Հետաքրքրություն կա նաև տեխնոլոգիաների և նորարարության ոլորտում փոխգործակցության նկատմամբ»,- արձագանքել է թուրքական պատվիրակության ղեկավար Բուրաք Դաղլըօղլուն:
Այս ենթաբաժնի վերջին նորությունները
2024թ առաջին եռամսյակում Թուրքիայից Հայաստան արտահանումերը կազմել են 124.000 դոլար:
Ավելի վաղ հաղորդվել էր, որ Համաշխարհային բանկը (ՀԲ) Թուրքիային լրացուցիչ 18 մլրդ դոլար Է հատկացրել ներդրումային ծրագրերի համար:
Թուրքական մեդիայում նշվում է, որ ՌԴ-ից ունեցած կախումը նվազեցնելու համար Թուրքիան գազի ներկրման շուրջ բանակցություններ է սկսել ամերիկյան ընկերության հետ:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
2024թ առաջին եռամսյակում Թուրքիայից Հայաստան արտահանումերը կազմել են 124.000 դոլար:
Ֆրանսիայի խորհրդարանն ընդունել է Առաջին աշխարհամարտի ընթացքում Օսմանյան կայսրության կողմից իրականացրած ասորիների ցեղասպանությունը ճանաչող բանաձև
Անվտանգության տեսախցիկներն արձանագրել են, թե ինչպես է տղամարդը հարձակվում ոստիկանի վրա։
Թուրքիայի նախագահ Ռեջեփ Թայիփ Էրդողանի գլխավորությամբ կայանալիք նիստի օրակարգում են երկրի ներքին և արտաքին զարգացումները։
ԺՀԿ-ի առաջնորդը Թուրքիայի նախագահի հետ մի շարք քննարկումներ է ունենալու ինչպես երկրի ներքին, այնպես էլ արտաքին հարցերի հետ կապված։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |