Թուրքիան և Ադրբեջանը մտադիր են խորացնել համագործակցությունը գյուղատնտեսության ոլորտում

Քաղաքական11:02, 19 Ապրիլ 2024

Թուրքիան և Ադրբեջանը մտադիր են խորացնել համագործակցությունը գյուղատնտեսության ոլորտում

Թուրքիայի գյուղատնտեսության և անտառտնտեսության նախարար Իբրահիմ Յումաքլըն հանդիպել է ադրբեջանցի գործընկերոջ՝ Մեջնուն Մեմմեդովի հետ:

Նշվում է, որ Յումաքլըն ադրբեջանցի նախարարի գլխավորած պատվիրակությանն ընդունել է «Թուրքիա-Ադրբեջան գյուղատնտեսության գործադիր կոմիտեի 11.րդ նստաշրջանի» շրջանակներում:

Տեղի ունեցած քննարկումներից հետո թուրք պաշտոնյան ընդգծել է, որ կոմիտեի հանդիպումները երկկողմ համագործակցության կարևոր փուլերից են:

«Մեր երկրների միջև առկա գյուղատնտեսական առևտուրը շարունակում է աճել: Մեր տվյալների համաձայն՝ վերջին 10 տարվա ընթացքում այս աճն ավելի տեսանելի է դարձել: Մեր գոյւղատնտեսական առևտրի ծավալները 2012-ից հետո աճել են շուրջ 87 տոկոսով», ասել է Յումաքլըն:

Ապա նաև նշել է արդյունքներից ունեցած գոհունակության մասին և հույս հայտնել, որ գրանցված առաջընթացը կշարունակվի նույն տեմպերով:

Նշենք նաև, որ երկու երկրների ներկայացուցիչների միջև կնքվել է «Գյուղատնտեսական ուսումնասիրության և զարգացման ոլորտում համագործակցության մտադրության մասին հայտարարություն»:

Ադրբեջանցի պաշտոնյան հայտարարության վերաբերյալ ասել է. «Այն ավելի կարևոր է, քան մեր ստորագրած համաձայնագրերը: Այն ծրագիր է, որը կազմվել է որպեսզի մենք այսուհետ իրականացվելիք գործողություններից բացի, հետամուտ լինենք նաև մինչ օրս կատարված գործողություններին»:

Աղբյուր` trthaber.com

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։