Թուրքիայի առևտրի նախարարությունը պնդում է. «Արգելված ապրանքներ Իսրայել չեն արտահանվում»

Քաղաքական09:08, 17 Ապրիլ 2024

Թուրքիայի առևտրի նախարարությունը պնդում է. «Արգելված ապրանքներ Իսրայել չեն արտահանվում»

Թուրքիայի առևտրի նախարարությունը թարմացրել է ապրիլի 9-ին Իսրայել արտահանվող ապրանքների սահմանափակման վերաբերյալ ընդունված որոշման մասին հայտարարությունը:

Նախարարության հայտարարության մեջ ընդգծվել է, որ հիշյալ օրվանից ի վեր 54 ապրանքատեսակի մեջ առկա 1019 ապրանք չի արտահանվել Իսրայել:

«2024-ի ապրիլի 9-ի, ժամը 09:00-ից ի վեր մեր անցակետերում արտահանման գործընթացի գրանցում չի իրականացվել»,-ասվել է հայտարարության մեջ:

Շեշտվել է նաև, որ դրանք չեն ուղարկվել նաև անցակետերին կից տեղակայված պահեստներից, ժամանակավոր պահեստավորման կետերից, ինչպես նաև առևտրային ազատ գոտիներով և կամ տրանզիտային առևտրային ճանապարհներով:

«Մինչ իրավիճակն այսպիսին է և արտահանման դադարեցման որոշման կայացումից՝ 2024-ի ապրիլի 9-ից առաջ անցակետում արտահանման համար գրանցված որևիցե արգելված ապրանք ճանապարհ չի ընկել, ջանք է գործադրվում դրանց ճանապարհ ընկնելու մասին պատկերացումներ ստեղծել, ինչը կարող է բացատրվել միայն միջազգային և արտաքին առևտրի, մաքսազերծման, լոգիստիկ կանոնադրության և կամ ընթացակարգերի չիմացությամբ, կամ էլ՝ վատ մտադրությամբ»,-նշվել է հայտարարությունում:

Աղբյուր` trthaber.com

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։