Քաղաքական15:23, 10 Ապրիլ 2024
Թուրքիան հերքում է Իսրայելին ավիաբենզին մատակարարելու մասին լուրերը
Թուրքիայի կեղծ ինֆորմացիայի դեմ պայքարի կենտրոնը հայտարարություն է տարածել թուրքական մեդիայում լայն շրջանառություն ստացած այն պնդումների վերաբերյալ, որոնց համաձայն՝ Թուրքիան Իսրայելին ինքնաթիռի վառելիք (ավիաբենզին) է մատակարարել, որն օգտագործվել է նաև Գազայի ռազմական գործողություններում ներգրավված կործանիչների լիցքավորման համար:
«Խնդրո առարկա վառելիքն Իսրայել ուղարկված վառելիք չէ: Այն բացառապես Թուրքիայի տարածքում գտնվող օդանավակայաններում Իսրայելին պատկանող քաղաքացիական ինքնաթիռների համար վաճառված վառելիք է: Այն ինքնաթիռները, որոնք լիցքավորվել են այս վառելիքով, բացառապես ճանապարհորդական են»,- ասված է հայտարարության մեջ:
Ապրիլի 9-ին էր, որ Թուրքիայից Իսրայել 54 տեսակի ապրանքի արտահանումը դադարեցման մասին որոշմանը կից ապրանքացուցակում հայտնվել էր ինքնաթիռների համար նախատեսված վառելիքը, ինչին էլ հաջորդել էին նման պնդումները:
Այս ամենն ուղեկցվել էին նաև ընդդիմադիրների հայտարարություններով, որոնցում ուշադրություն էր հրավիրվել Թուրքիայի իշխանությունների երկերեսանի քաղաքականության վրա:
Այդ հայտարարությունները հիմնականում ունեին հետևյալ ձևակերումը. «Ասում էինք, չէ՞, առևտուր էին անում»:
Իսկ Թուրքիայում գործող ընդդիմադիր «Անկախ Թուրքիա կուսակցության» ղեկավար Հուսեյն Բաշն իրադարձություններին արձագանքել է այսպես.
«Թուրքիան հոկտեմբերի 7-ից հետո Իսրայելին ինքնաթիռի վառելիք է տալիս: Թուրքիայից է ուղարկվում այն վառելիքը, որն օգտագործվում է Գազան ռմբակոծող ինքնաթիռների համար: կարծում եմ սա երկերեսանիության պես մի բան է»:
Այս ենթաբաժնի վերջին նորությունները
ՌԴ նախագահը Սանկտ Պետերբուրգում տեղի ունեցած միջազգային տնտեսական ֆորումի շրջանականերում լրագրողների հետ հարցուպատասխանի ընթացքում անդրադարձել է ռուս-ուկրաինական բանակցություններին։
Սոցցանցերի թուրքական տիրույթում տարածվել էր Շրայդերի հարցազրույցից հատված, որում նշել է, թե նախորդ օրը արձակված իրանական հրթիռներից որևէ մեկը չի անցել Իսրայելի տարածքը։
Երկու նախագահների մասնակցությամբ Քահրամանմարաշում տեղի է ունենալու երկրաշարժից հետո կառուցված «Ադրբեջանի թաղամասի» բացումը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այցի ընթացքում անցկացվել են սահմանային անվտանգության հետ կապված ստուգումներ։
«Kharabakh Records» տելեգրամյան ալիքը գրել է. «Թուրքիայի մամուլից նման բան չէինք սպասում»։
«Leonardo» ընկերությունը հայտնի է Իսրայելի համար զենք և ռազմական տեխնոլոգիաների մատակարարմամբ։
Էյալ Բերկովիչ․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ ահա եզրափակիչը կանցկացնենք Թուրքիայի հետ»:
Երկու նախագահների մասնակցությամբ Քահրամանմարաշում տեղի է ունենալու երկրաշարժից հետո կառուցված «Ադրբեջանի թաղամասի» բացումը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |