Իսրայելի պատասխանը Թուրքիայի սահմանափակումներին

Տնտեսական15:41, 09 Ապրիլ 2024

Իսրայելի պատասխանը Թուրքիայի սահմանափակումներին

Թուրքիայի առևտրի նախարարությունը հայտնել է, որ ապրիլի 16-ից սահմանափակումներ կկիրառվեն դեպի Իսրայել կատարվող արտահանման ծավալներում։ Սահմանափակումները վերաբերում են 54 տեսակի ապրանքներին, այդ թվում՝ շինարարական սարքավորումներին, մետաղներին և վառելիքին։

Առևտրային սահմանափակումները ուժի մեջ կմնան այնքան ժամանակ, մինչև Իսրայելը հրադադար չհայտարարի Գազայի հատվածում և թույլ տա բավարար մարդասիրական օգնություն մուտք գործել Գազայի տարածք:

Ի պատասխան Թուրքիայի առաջ քաշած սահմանափակումներին՝ Իսրայելի արգործնախարար Իսրայել Կացը հայտարարել է, որ կկազմվի ապրանքների ցանկ, որոնց արտահանումը Թուրքիա կարգելափակվի։

Ըստ Կացի՝ Թուրքիան միակողմանիորեն խախտել է առևտրային համաձայնագիրը և ԱՄՆ կոնգրեսին կոչ է արել կասեցնել ներդրումները Թուրքիայում։

Իսրայելի արտգործնախարարը մասնավորապես նշել է, որ Ռեջեփ Թայիփ Էրդողանը ևս մեկ անգամ զոհաբերում է թուրք ժողովրդի տնտեսական շահերը՝ աջակցելով «ՀԱՄԱՍ» խմբավորմանը։

Ի հավելում նշել է, որ Իսրայելը չի խոնարհվի բռնություն առջև, չի հանդուրժի առևտրի համաձայնագրի միակողմանի խախտումները և Թուրքիայի տնտեսությանը վնասող զուգահեռ քայլեր կձեռնարկի։

Նշենք, որ Թուրքիայի վիճակագրական ինստիտուտի տվյալներով՝ 2023 թվականին թուրքական արտահանումը Իսրայել կազմել էր մոտ 5.4 մլրդ դոլար։

Աղբյուր` sozcu.com.tr

Այս ենթաբաժնի վերջին նորությունները

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։