Ահաբեկչության դեմ պայքարն ու F16-ը՝ Ֆիդան-Բլինքեն հանդիպման օրակարգում

Քաղաքական10:39, 05 Ապրիլ 2024

Ահաբեկչության դեմ պայքարն ու F16-ը՝ Ֆիդան-Բլինքեն հանդիպման օրակարգում

Ապրիլի 4-ին Թուրքիայի արտգործնախարար Հաքան Ֆիդանը Բրյուսելում կայացած Հյուսիսատլանտյան դաշինքի (ՆԱՏՕ) անդամ երկրների արտգործնախարարների նիստի շրջանակներում հանդիպել է ամերիկացի գործընկերոջ՝ Էնթոնի Բլինքենի հետ:

Կողմերը քննարկել են ՆԱՏՕ-ում նոր գլխավոր քարտուղարի ընտրությանը, F-16 կործանիչների վաճառքի գործընթացին, Թուրքիայի կողմից ահաբեկչական ճանաչված «Քուրդիստանի բանվորական կուսակցության» (ՔԲԿ-PKK) և նրանց կողմից PKK-ի հետ նույնացվող Սիրիայի քրդական «Ժողովրդավարական միություն կուսակցության» (YPG) դեմ պայքարում ԱՄՆ-ից ունեցած ակնկալիքներին վերաբերող հարցեր:

Օրակարգում է եղել նաև Թուրքիայի նախագահ Ռեջեփ Թայիփ Էրդողանի մայիսին ԱՄՆ կատարելիք այցը և մի շարք այլ հարցեր: Հանդիպումը տևել է շուրջ 1 ժամ:

Նույն նիստի շրջանակներում տեղի է ունեցել նաև հանդիպում Ֆիդանի և Գերմանիայի ԱԳ նախարար Աննալենա Բերբոկի միջև: Քննարկվել է ահաբեկչության դեմ պայքարն ու ռազմարդյունաբության ոլորտում համագործակցությունը:

Աղբյուր` trthaber.com

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։