Թուրքիայում ազգայնականները և Էրդողանի կուսակիցները կրակել են միմյանց վրա

Քաղաքական13:05, 05 Ապրիլ 2024

Թուրքիայում ազգայնականները և Էրդողանի կուսակիցները կրակել են միմյանց վրա

Թուրքիայում մարտի 31-ին կայացած տեղական ինքնակառավարման մարմինների (ՏԻՄ) ընտրություններից հետո կրքերը չեն հանդարտվում:

Թուրքիայի հյուսիսային հատվածում գտնվող Չորում նահանգի Ուղուրդաղի շրջանային ղեկավարության շենքի առջև իշխող «Արդարություն և զարգացում» կուսակցության (ԱԶԿ-AKP) ու «Ազգայնական շարժում» կուսակցության (ԱՇԿ-MHP) անդամների միջև ծեծկռտուք է տեղի ունեցել, որոնք ուղեկցվել են նաև կրակոցներով:

Ուղուրդաղի շրջանում ՏԻՄ ընտրությունների արդյունքերով՝ ԱԶԿ-ի թեկնածուն 13 ձայնի առավելությամբ հաղթել է ԱՇԿ-ի թեկնածուին, մինչդեռ 92 ձայն էլ համարվել է անվավեր:

Արդյունքները բողոքարկելու նպատակով ԱՇԿ-ի տարածքային գրասենյակը դիմել էր Թուրքիայի բարձրագույն ընտրական հանձնաժողով (YSK), բայց մերժում է ստացել։

Սա էլ հանդիսացել էր կրքերի թեժացման և հանգեցրել երկու կուսակցության անդամների միջև բախման:

Ոստիկանության միջամտությունից հետո է միայն հաջողվել վերջ տալ անկարգություններին: Դեպքի առթիվ սկսվել է հետաքննություն, հայտնաբերվել են դատարկ պարկուճներ:

Նշենք, որ 2023-ի մայիսյան համապետական ընտրություններում ԱԶԿ-ի և ԱՇԿ-ի կողմից ստեղծվել էր «Ժողովուրդ» (Cumhur) դաշինքը, որն էլ հավաքել էր ձայների մեծամասնությունը:

Աղբյուր` artigercek.com

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։