ՏԻՄ ընտրություններից հետո Թուրքիայում իշխող կուսակցության շարքերում դժգոհությունների ալիք է բարձրանում

Քաղաքական09:30, 02 Ապրիլ 2024

ՏԻՄ ընտրություններից հետո Թուրքիայում իշխող կուսակցության շարքերում դժգոհությունների ալիք է բարձրանում

Թուրքիայի հարավ-արևմուտքում գտնվող Ուրֆայի փոխնահանգապետ, Թուրքիայում իշխող «Արդարություն և զարգացում» կուսակցության (ԱԶԿ-AKP) անդամ Աբդուլքադիր Յըլդըրըմը հայտարարել է կուսակցության կենտրոնական կառավարման խորհդրի անդամի իր պաշտոնից հրաժարական տալու մասին:

Նա նաև հայտնել է, որ չի պատրաստվում դուրս գալ ԱԶԿ-ից:

«Երկար տարիներ ի վեր ԱԶԿ-ի անդամ լինելով՝ սկսել եմ աշխատել որպես կենտրոնական խորհրդի անդամ: Ես հավատում եմ, որ անձնապես ներդրել եմ բոլոր ջանքերս որպեսզի ընտրական գործընթացքում ԱԶԿ-ն հասնի հաղթանակի և հաջողություն գրանցի:

Սակայն կազմակերպության ներսում ընտրությունների ներքին նախապատրաստումը պատշաճ կերպով չի իրականացվել, ինչպես նաև մինչև ընտրությունները թեկնածուի որոշում կայացնելուց հետո:

Ընտրական գործերը և ընտրությունների համակարգման կենտրոնը և նրա աշխատանքները չեն կառավարվել և ուղղորդվել մեր նախկին ծառայության ու աշխատանքային ըմբռնման համաձայն, չնայած այն բանին, որ այս ամենը բազմաթիվ անգամներ ասել ենք:

Չլուծված թերությունները պատճառ դարձան նման վատ արդյունքների»,-հավելել է նա:

ԱԶԿ-ական փոխնահանագապետը իր հրաժարականի նպատակը պարզաբանել է այսպես.

«Ընդունելով երեկ (մարտի 31) ստացված ընտրություների արդյունքներում իմ պատասխանատվությունը, Ես ԱԶԿ-ի գործադիր և կառավարման խորհրդի անդամի իմ պաշտոնից հրաժարվում եմ, որպեսզի տեղ բացեմ այն իմ ընկերների համար, ովքեր մեր կուսակցությանը համապատասխան ձևով աշխատանքներ կարող են իրականացնել»:

Թուրքական ընդդիմադիր մամուլում տեղի ունեցածը որակվում է որպես ՏԻՄ ընտրություններից հետո ԱԶԿ-ում գրանցված առաջին խափանում:

Հիշեցնենք, որ Ուրֆայում անցկացված ՏԻՄ ընտրություններում ձայների 38 տոկոսով հաղթել է ընդդիմադիր «Կրկին բարօրություն» (Yeniden Refah) կուսակցությունը:

Աղբյուր` artigercek.com

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։