Թուրքիայի իշխող կուսակցությունը պարտվել է ՏԻՄ ընտրություններում

Քաղաքական08:58, 01 Ապրիլ 2024

Թուրքիայի իշխող կուսակցությունը պարտվել է ՏԻՄ ընտրություններում

Ապրիլի 2-ի դրությամբ ամբողջապես ամփոփվել է Թուրքիայի տեղական ինքնակառավարման մարմինների ընտրությունների արդյունքները:

Քվեների 100 տոկոսի հաշվարկման արդյունքներով առաջատար է գլխավոր ընդդիմադիր ուժը համարվող «Ժողովրդահանրապետական» կուսակցությունը (ԺՀԿ-CHP):

Թուրքիայի իշխող «Արդարություն և զարգացում» կուսակցության (ԱԶԿ-AKP) և ԺՀԿ-ի միջև ձայների տարբերությունը կազմում է 2.28 տոկոս:

ԱԶԿ-ն հաջողել է հավաքել ձայների 35.49, իսկ ԺՀԿ-ն՝ 37.77 տոկոսը: Ամենաշատ քվե հավաքած 3-րդ կուսակցությունը ձայների 6.19 տոկոսով եղել է «Նոր բարօրություն» կուսակցությունը (Yeniden Refah Partisi):

Մարտի 31-ին՝ ՏԻՄ ընտրությունների օրը, ԱԶԿ-ի գլխամասում Թուրքիայի նախագահ Ռեջեփ Թայիփ Էրդողանն արդեն իսկ նախնական արդյունքների հիման վրա ընդունել էր իրենց պարտությունը:

«Մարտի 31-ը մեզ համար ավարտ չէ, այլ շրջադարձային կետ»,-ասել էր նա:

Նշենք նաև, որ ԺՀԿ-ն վստահ հաղթանակ է տարել Ստամբուլում, Անկարայում և Իզմիրում:

Ստամբուլի քաղաքապետի թեկնածու Էքրեմ Իմամօղլու - 51.14%
Անկարայի քաղաքապետի թեկնածու Մանսուր Յավաշ - 60.44%
Իզմիրի քաղաքապետի թեկնածու Ջեմիլ Թուգայ - 48.97%

ԺՀԿ-ն 47 տարի անց առաջին անգամ է հայտնվում երկրում առաջատար կուսակցության դերում, իսկ ԱԶԿ-ն իր հիմնադրումից՝ 2001-ից հետո առաջին անգամ է հայտնվում 2-րդ կուսակցության դերում:

Աղբյուր` trthaber.com

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։