Ահմեդ Յեներ. «Թուրքիայում մեծ քաղաքների ընտրություններում մասնակցությունը կազմել է 78.11%»

Քաղաքական14:37, 01 Ապրիլ 2024

Ահմեդ Յեներ. «Թուրքիայում մեծ քաղաքների ընտրություններում մասնակցությունը կազմել է 78.11%»

Թուրքիայի բարձրագույն ընտրական խորհրդի (YSK) նախագահ Ահմեդ Յեներն անդրադարձել է մարտի 31-ին Թուրքիայում անցկացված տեղական ինքնակառավարման մարմինների (ՏԻՄ) ընտրությունների արդյունքներին:

Նա նշել է, որ ընտրություններին մասնակցել է ընդհանուր առմամբ 34 քաղաքական կուսակցություն:

Թվով 207․848 քվեատուփում (ընտրատեղամասերում-խմբ․) ընտրություններին մասնակցել է ընտրելու իրավունք ունեցող 61 մլն 441 հզ․ մարդ:

Ըստ Յեների՝ դեռևս ոչ վերջնական տվյալներով բացվել և հաշվվել է քվեատուփերի 99.99 տոկոսը, իսկ մեծ քաղաքների ընտրություններում մասնակցությունը կազմել է 78.11 տոկոս:

Նա հայտարարել է, որ նույն սկզբունքով ընդհանուր քաղաքապետի ընտրություններում Թուրքիայում գլխավոր ընդդիմադիր ուժը համարվող «Ժողովրդահանրապետական» կուսակցության (ԺՀԿ-CHP) թեկնածուները հաղթել են 35, իշխող «Արդարություն և զարգացում» կուսակցությանը (ԱԶԿ-AKP)՝ 24, քրդամետ «Ժողովուրդների հավասարություն և ժողովրդավարություն» կուսակցությանը՝ (DEM) 10, «Ազգայնական շարժում» կուսակցությանը (HDP-ԱՇԿ)՝ 8, «Նոր բարօրություն» կուսակցութանը (Yeniden Refah)՝ 2, «Մեծ միասնական» կուսակցությանը՝ 1 և «Լավ» կուսակցությանը (İyi)՝ 1 տեղում:

Թվով 30 մեծ քաղաքների քաղաքապետերի ընտրություններում ԺՀԿ-ն հաղթել է 14, ԱԶԿ-ն՝ 12, DEM-ը՝ 3, «Նոր բարօրությունը»՝ 1 տեղում:

Հիշեցնենք, որ ՏԻՄ ընտրություններում առաջատարը ԺՀԿ-ն է: Այն հավաքել է ընտրողների 37.74 տոկոս ձայնը, որն ԱԶԿ-ի հավաքած ընդհանուր ձայներից ավելի է 2.25 տոկոսով:

Աղբյուր` trthaber.com

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։