Թուրքիայում աղքատ տարեցների թիվը հասել է ռեկորդային մակարդակի

Հասարակական16:40, 28 Մարտ 2024

Թուրքիայում աղքատ տարեցների թիվը հասել է ռեկորդային մակարդակի

Թուրքիայի պաշտոնական վիճակագրության համաձայն՝ այդ երկրում 65 և ավելի բարձր տարիքային խմբի աղքատ քաղաքացիների թիվը շեշտակիորեն աճել է։

Եթե 2022թ. աղքատ կենսաթոշակառուները կազմում էին բնակչության 14.3%-ը, ապա 2023-ի վերջին այդ թիվը հասել է 21.7%-ի։ Ըդն որում Թուրքիայում աղքատ տարեց կանայք ավելի շատ են եղել, քան տղամարդիկ:

Ընդհանուր առմամբ 2018-ից ի վեր 65 տարեկանից բարձր Թուրքիայի բնակիչների թիվը նկատելիորեն աճել է։ Եթե 5 տարի առաջ այդ տարիքային խմբում կար 7մլն 186 204 մարդ, ապա 2023-ին նրանց թիվն աճել է 21,4%-ով՝ հասնելով 8մլն 722 806-ի։

Եթե դիտարկենք երկրի ընդհանուր բնակչության թիվը, ապա 2018թ. ծերերը կազմում էին քաղաքացիների 8.8%-ը, իսկ 2023-ին՝ արդեն 10.2%-ը։

Ըստ սեռայի բաժանման կենսաթոշակառուները Թուրքիայում հետևյալ տոկոսային հարաբերակցությամբ են՝ 44,5% տղամարդիկ, 55,5% կանայք։

Թուրքիայի վիճակագրական ծառայությունների կանխատեսումների համաձայն՝ մինչև 2030 թվականը երկրում տարեց բնակչության համամասնությունը կաճի մինչև 12.9%, 2040 թվականին կդառնա 16.3%, իսկ 2060-ին՝ 22.6%։

Աղբյուր` Sözcü

Այս ենթաբաժնի վերջին նորությունները

13:29, 19 օգոս

Թուրքիայի ամենամեծ քաղցրահամ լիճը ցամաքում է (Լուսանկարներ)

Բեյշեհիր լիճն աստիճանաբար վերածվում է խոշոր եղջերավոր կենդանիների արոտավայրի։

13:05, 19 օգոս

Թուրքիա-Գերմանիա ավիաուղղությունն աշխարհի ամենածանրաբեռնված ուղիներից է

Ավիացիոն ոլորտում վերլուծություններ անող OAG-ը՝ «Թռիչքային տվյալների վերլուծության հարթակը», հրապարակել է ավիաընկերությունների կողմից 2025-ի օգոստոսի դրությամբ վաճառքի հանված նստատեղերի քանակը։