ERMENI HABER AJANSI

Թուրքիայի վիճակագրական կոմիտեն (TÜİK) հրապարակել է 2023-ի տարիքային վիճակագրության տվյալները։ Ըստ հրապարակված տվյալների՝ Թուրքիայում արագորեն աճում է տարեց բնակչության թվաքականը։

Նշվում է, որ վերջին 5 տարիների ընթացքում 65 տարեկան և բարձր տարիքային խմբում նկատվել է 21․4% աճ և 2023-ին այն հասել է 8 մլն 722․000-ի։ Այս աճի հետ մեկտեղ տարեց բնակչությունը 2018-ին կազմել է 8․8%, իսկ 2023-ին՝ 10․2%։ Այս ցուցանիշով Թուրքիան աշխարհում տարեց բնակչության մակարդակով 184 երկրների շարքում զբաղեցնում է 67-րդ տեղը։

Զեկույցում նաև տեղ են գտել կանխատեսումներ առաջիկա տասնամյակների վերաբերյալ,ըստ որոնց՝  տարեց բնակչության մակարդակը 2030-ին կահասնի 12․9%-ի, 2040-ին՝ 16․3%-ի, 2080-ին՝ 25․6%-ի։

Նշվում է, որ բնակչության տարիքային կառուցվածքի փոփոխություններից է նաև միջին տարիքի աճը։ 2018-ին  միջին տարիքը կազմել է 32%, իսկ 2023-ին հասել է 34%-ի դրանով իսկ երևում է, որ Թուրքիայի բնակչությունը ունի ծերացման միտում։

Տարեց բնակչության աճին զուգահեռ աճում է նաև տարեցների կախվածության գործակիցը։ Այս ցուցանիշը ներկայացնում է աշխատունակ տարիքի հարյուր մարդու հաշվով տարեցների թիվը, որը 2018-ին կազմել է 12․9%, իսկ 2023-ին՝ 15%։

Զեկույցում նշվում է, որ Թուրքիայի Սինոպ քաղաքը համարվում է տարեց բնակչության ամենաբարձր ցուցանիշ ունեցող քաղաքը, այդ ցուցանիշը անտեղ կազմել է 20%, իսկ տարեց բնակչության ամենացածր ցուցանիշ ունեցող քաղաքը 3․5%-ով համարվել է Շըրնաքը։