Տնտեսական16:06, 26 Մարտ 2024
Թուրքիան մինչև 2050-ն էլէներգիայի առնվազն 20%-ը կստանա միջուկային էներգիայից
Թուրքիայի էներգետիկայի և բնական պաշարների նախարար Ալփարսլան Բայրաքթարը Ռուսաստանի Սոչի քաղաքում մասնակցում է միջազգային ATOMEXPO-2024 ֆորումին։
Ելույթ ունենալով՝ խոսել է հետևյալի մասին.
«Եթե ցանկանում ենք պայքարել գլոբալ տաքացման դեմ և հասնել ածխածնային չեզոքության նպատակներին, ապա ապագան պատկանում է միջուկային էներգետիկային։ Այս պայծառ ապագային հասնելու համար մենք պետք է մի կողմ դնենք գաղափարախոսական վեճերը և վերացնենք արհեստական խոչընդոտները, ինչպիսիք են առևտրային սահմանափակումներն ու ֆինանսական պատժամիջոցները»։
Անդրադառնալով Թուրքիայի Մերսին քաղաքում կառուցվող Աքքույու ատոմակայանի աշխատանքներին՝ Բայրաքթարը նշել է, որ այս պահի դրությամբ կառուցվում է 4 ռեակտոր և Թուրքիան նպատակ ունի 2035-ին այն հասցնել 7․2 ԳՎտ միջուկային հզորության, իսկ 2050-ին՝ 20ԳՎտ-ի։
«Եթե հաշվի առնենք, որ Աքքույուն 4․8 ԳՎտ է,դա նշանակում է, որ պետք է կառուցենք 4 ռեակտոր Սինոպում և 4 ռեակտոր Թրակիայում ու առաջիկա 20-30 տարում կկենտրոնանանք 5ԳՎտ հզորությամբ փոքր մոդուլային ռեակտորների վրա»,-նշել է նախարարը։
Նախարարի նշմամբ՝ Թուրքիան փոքր մոդուլային ռեակտորների ոլորտում ունի ներուժ և դա կարևոր է հատկապես ածխածնային չեզոքության անցնելու համար։
Բայրաքթարը, ով նշում է, որ միջուկային էներգիան ոչ միայն թրենդ է, այլև կարևոր է Թուրքիայի էներգետիկ անվտանգության և 2053 թվականին զուտ զրոյական արտանետումների նպատակին հասնելու համար, ասաց. «Այս պատճառով մենք կառուցում ենք Աքքույուն, բայց ցանկանում ենք զարգացնել մեր համագործակցությունը Ռոսատոմի հետ Սինոպի նախագծում»,-հայտնել է Բայրաքթարը։
Նախարարը նաև հավելել է, որ կան այնպիսի երկրներ, ինչպիսիք են Չինաստանը և Հարավային Կորեան, որոնք ցանկանում են ներդրումներ կատարել Թուրքիայի միջուկային շուկայում։
Ըստ նախարարի՝ Աքքույու ատոմակայանը կբավարարի Թուրքիայի էլեկտրաէներգիայի կարիքների 10%-ը, բայց առաջիկա գործընթացներում աճող պահանջարկի և այլ կառուցվելիք էլեկտրակայանների շնորհիվ մինչև 2050-ը Թուրքիան իր էլէներգիայի առնվազն 20%-ը կստանա միայն միջուկային էներգիայից։
Այս ենթաբաժնի վերջին նորությունները
Թուրքիայից տարեկան արտահանվում է 25 մլն տոննա միրգ:
Թուրքիայի էերգետիկայի և բնական պաշարների նախարարը թուրք-հունական էներգետիկ ֆորումին հանդես է եկել տեսաուղերձով։
Թուրքիան 2019-ին առողջարանային զբոսաշրջությունից ստացել է 1.49 մլրդ դոլար, իսկ 2023-ին՝ 2.3 մլրդ դոլար։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Ermenihaber.am-ը Հայոց ցեղասպանության 109-րդ տարելիցի կապակցությամբ հատուկ հարցազրույց է անցկացրել Հայոց ցեղասպանության թանգարան-ինստիտուտի տնօրենի հետ։
Առաջնահերթ հարցն ուղղակի սա է. հարգանք ցուցաբերել հայ հանրության ցավի, ցեղասպանության կորուստների նկատմամբ...
«Դուք Իսրայելի վարչապետին մեղադրում եք նացիստական գործելաոճի մեջ, սակայն մյուս կողմից էլ շարունակում եք Իսրայելի հետ ինտենսիվ առևտրատնտեսական հարաբերոթյունները»։
Արաբ դիվանագետը նշել է, որ Թուրքիան այդ ծրագիրը ներկայացրել է նաև ԱՄՆ-ին և Իսրայելին, սակայն արաբական շատ երկրներ, այդ թվում Եգիպտոսը, դեմ են արտահայտվել առաջարկին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |