Թուրքիան մտադիր է դառնալ քամուց էլեկտրաէներգիա արտադրող եվրոպական առաջատար երկիրը

09:51, 20 Մարտ 2024

Թուրքիան մտադիր է դառնալ քամուց էլեկտրաէներգիա արտադրող եվրոպական առաջատար երկիրը

Թուրքիայի արդյունաբերության և տեխնոլոգիաների նախարար Մեհմեդ Ֆաթիհ Քաջըրը ելույթ է ունեցել Իզմիրում անցկացված «Իզմիրի զարգացման գործակալության ծրագրերի» բացման արարողությանը:

Նա հայտնել է իր երախտագիտությունը Իզմիրում 11 ծրագրի մեկնարկի առթիվ և հայտարարել, որ վերջին 22 տարում Իզմիրում ներդրվել է 751 մլրդ լիրա (ավելի քան 23 մլրդ դոլար), ինչը համապատասխանում է ընդհանուր 6.365 ներդրման:

«182.000-ից ավել որակյալ աշխատատեղ է բացվել».-հավելել է նա:

Բացի այդ, Քաջըրն ընդգծել է, որ Իզմիրում մեծ թվով հողմակայաններ են տեղակայվել, որոնց շորհիվ քամուց ստացվող էլեկտրաէներգիայի ծավալներն աճել են:

Ապա նաև հավելել, որ մոտ ապագայում հողմակայանների տեղայնացման աշխատանքների արդյունքում դրանց շուրջ 60 տոկոսը կլինի Իզմիրում:

Քաջըրը նաև Թուրքիային դասել է եվրոպական այն 5 երկրի շարքում, որոնք քամուց ստացվող էլեկտրաէներգիայի ծավալներով առաջատար դիրքերում են:

«Այս ոլորտում մենք Եվրոպայում ամենակայուն 5 երկրից մեկն ենք, բայց մեր զարգացման տեմպերը ցույց են տալիս, որ Թուրքիան առաջիկա 10 տարում քամուց ստացվող էլեկտրաէներգիայի ոլորտում առաջատար է լինելու և Իզմիրն էլ այս գործընթացում դառնալու է Թուրքիայի առաջամարտիկը»,-եզրափակել է թուրք նախարարը:

Աղբյուր` sondakika.com

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Թուրքիայում պահանջում են վերականգնել հայկական կիսակառույց եկեղեցին

Մուսա լեռան ստորոտին կառուցված եկեղեցին դարձել է լուսանկարիչների և նորապսակների սիրելի վայրերից մեկը։

Էրդողան․ «Զանգեզուրի անցումը մեր ողջ տարածաշրջանի համար խաղաղության նախագիծ է»

Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա: