Հանդիպել են Հունաստանի և Թուրքիայի փոխարտգործնախարարները

Քաղաքական10:25, 12 Մարտ 2024

Հանդիպել են Հունաստանի և Թուրքիայի փոխարտգործնախարարները

Մարտի 11-ին Անկարայում հանդիպել են Թուրքիայի և Հունաստանի փոխարտգործնախարարներ Բուրաք Աքչափարը և Ալեքսանդրա Պապադոպուլուն:

Կողմերը հանդիպել են Հունաստանի և Թուրքիայի միջև անցկացվող «Քաղաքական երկխոսության հանդիպման» շրջանակներում:

Թուրքիայի արտաքին քաղաքական գերատեսչության տարածած հայտարարության համաձայն՝ հանդիպման ընթացքում քննարկվել են երկկողմ հարաբերությունների տարբեր ասպեկտներին առնչվող հարցեր, ինչպես նաև մտքեր են փոխանակվել միջազգային հարցերի շուրջ:

Բացի այդ, գերատեսչության հայտարարության մեջ ընդգծվել է, որ փոխարտգործնախարարները վերահաստատել են 2023-ի դեկտեմբերին երկու երկրի ղեկավարների միջև Հունաստանի մայրաքաղաք Աթենքում ստորագրված հայտարարությամբ ստանձնած պարտավորությունները, այն է՝ երկկողմ և միջազգային տարբեր հարթակներում զարգացնել համագործակցությունը:

Օրակարգում են եղել նաև Հունաստանի վարչապետ Կիրիակոս Միցոստակիսի Անկարա պլանավորվող այցի նախապատրաստական աշխատանքների շուրջ քննարկումները:

Աղբյուր` trthaber.com

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։