Թուրքիան կրկնել է. «Անկախ Պաղեստին, որի մայրաքաղաքը Երուսաղեմն է»

Քաղաքական10:41, 28 Փետրվար 2024

Թուրքիան կրկնել է. «Անկախ Պաղեստին, որի մայրաքաղաքը Երուսաղեմն է»

Թուրքիայի խորհրդարանի արդարադատություն հանձնաժողովի նախագահ Ջյունեյթ Յուքսելը խորհրդարանում անցկացված մամուլի ասուլիսի ժամանակ անդրադարձել է Արդարադատության միջազգային դատարանում (ԱՄԴ) Պաղեստինի հարցով տեղի ունեցած լսումներում Թուրքիայի ելույթին:

Յուքսելը հայտարարել է, որ «Թուրքիան ԱՄԴ-ում ևս մեկ անգամ կրկնել է իր կոչը Պաղեստինում Իսրայելի օկուպացիային վերջ տալու ուղղությամբ»:

«Թուրքիան ևս մեկ անգամ կոչ է արել հասնելու կայուն և տևական լուծման, որը ենթադրում է 1967թ-ի սահմաններով սուվերեն և անկախ Պաղեստինի ստեղծումը, որի մայրաքաղաքը Երուսաղեմն է»,-հավելել է նա:

Նշենք, որ Յուքսելը, Եվրամիության խառը խորհրդարանական հանձնաժողովի փոխնախագահ և Թուրքիայում իշխող «Արդարություն և զարգացում» կուսակցության (ԱԶԿ) Ստամբուլի պատգամավոր Իսմայիլ Էմրահ Քարայելի, Գերագույն դատարանի հանձնաժողովի անդամ և ԱԶԿ Դենիզլիի պատգամավոր Ջահիթ Օզքանի հետ ներկա է գտնվել լսումներին:

Հիշեցնենք, որ լսումներն անցկացվել էին «Իսրայելի կողմից պաղեստինյան տարածքների բռնազավթման իրավական հետևանքները» խորագրով: Այն տեղի էր ունեցել փետրվարի 26-ին: Թուրքիայի անունից ելույթ էր ունեցել Թուրքիայի փոխարտգործնախարար Ահմեդ Յըլդըզը:

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։