Թուրքիայում 10.6 մլրդ դոլարի միջազգային ներդրում է արվել

Տնտեսական15:14, 28 Փետրվար 2024

Թուրքիայում 10.6 մլրդ դոլարի միջազգային ներդրում է արվել

Թուրքիայի նախագահականին կից գործող ներդրումային գրասենյակի նախագահ Բուրաք Դաղլըօղլուն Լոնդոնում մի շարք հայտարարություններ է արել: Դրանք մասնավորապես վերաբերել են Թուրքիայի ֆինանսատեխնիկական (ֆինտեխ) ոլորտում կատարված միջազգային ներդրումներին:

Նա նշել է, որ Եվրոպայի վերակառուցման և զարգացման բանկը (EBRD) և ֆրանսիական «Truffle Capital» ընկերությունը 2-րդ անգամ են ներդրում անում թուրքական ֆինանսատեխնիկական «DG Pay» ընկերությունում:

Թուրք պաշտոնյան ընդգծել է, որ ֆրանսիական հիշյալ ընկերությունը Եվրոպայում հայտնի է ֆինտեխ ոլորտում իրականացված իր ներդումներով:

«Ճանաչված հայտնի մի ֆոնդ է: Առաջին անգամ են Թուրքիայի ուղղությամբ քայլեր ձեռնարկում»,-հավելել է նա:

Բուրաքի խոսքով՝ Թուրքիան մտադիր է միջազգային ներդրումների ծավալը մեծացնել՝ Թուրքիա բերելով ընդհանուր առմամբ աշխարհում ներդրվող գումարների 1.5 տոկոսը:

Նշենք, որ 2023-ին Թուրքիայում կատարվել է ընդհանուր առմամբ 700 մլն դոլարի ներդրում ուղղված տեխնոլոգիական ստարտափերի, որից միայն 10 տոկոսն է սպառվել ֆինտեխ ոլորտում: Իսկ նույն տարում միջազգային ներդրումներն անկախ ոլորտից կազմել են 10.6 մլրդ դոլար:

Աղբյուր` fuardergisi.com.tr

Այս ենթաբաժնի վերջին նորությունները

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։