Թուրքիայի ԱԳ նախարարը հանդիպել է մեքսիկացի իր գործընկերուհու հետ

Քաղաքական10:10, 27 Փետրվար 2024

Թուրքիայի ԱԳ նախարարը հանդիպել է մեքսիկացի իր գործընկերուհու հետ

Թուրքիայի արտգործնախարարության X-ում (Twitter) տարածված հաղորդագրության համաձայն՝ գերատեսչության նախարար Հաքան Ֆիդանը Մեքսիկա կատարած պաշտոնական այցի շրջանակներում հանդիպել է մեքսիկացի իր գործընկերուհի՝ Ալիջիա Բարսենա Իբարրայի հետ:

Նշվում է, որ կողմերն անդրադարձել են քաղաքական, տնտեսական, պաշտպանական և մշակութային հարցերի, ինչպես նաև քննարկումներ ունեցել անօրինական ներգաղթի և ահաբեկչության դեմ պայքարի շուրջ:

Հանդիպմանը կողմերը մտքեր են փոխանակել նաև «Խառը տնտեսական հանձնաժողովի» երկրորդ հանդիպման նախապատրաստական աշխատանքների, ինչպես նաև «Թյուրքական համագործակցության և կոորդինացման գործակալության» կողմից Մեքսիկայում իրականացվող գործունեության վերաբերյալ:

Օրակարգից դուրս չի մնացել նաև Պաղեստինի Գազայի հատվածում տիրող իրավիճակը, ռուս-ուկրաինական հակամարտությունը և Կենտրոնական Ամերիկայում տեղի ունեցող զարգացումները:

Բացի այդ, նախարարները խոսել են MITKA-ի (Մեքսիկայի, Ինդոնեզիայի, Հարավային Կորեայի, Թուրքիայի, Ավստրալիայի ոչ պաշտոնական միավորում) շրջանակներում համագործակցության խորացման վերաբերյալ, ինչը կապվել է մշակութային, ակադեմիական, երիտասարադական և մի շարք այլ ոլորտներում իրականացվելիք քայլերի հետ:

Աղբյուր` trthaber.com

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։