Թուրքիան քննարկում է զինադադարի դեպքում ՀԱՄԱՍ խմբավորման առաջնորդներին հյուրընկալելու հարցը

Քաղաքական18:18, 26 Փետրվար 2024

Թուրքիան քննարկում է զինադադարի դեպքում ՀԱՄԱՍ խմբավորման առաջնորդներին հյուրընկալելու հարցը

«Amwaj» մեդիան հրապարակել է վերլուծական հոդված, որտեղ նշվում է, որ Թուրքիան քննարկում է Իսրայելի և ՀԱՄԱՍ խմբավորման միջև հնարավոր զինադադարի դեպքում ՀԱՄԱՍ-ի առաջնորդներին հյուրընկալելու հարցը։

Նշվում է, որ Իսրայելի կառավարությունը հրադադարի համաձայնագիր է պատրաստում, որը կներառի ՀԱՄԱՍ-ի տարբեր առաջնորդների արտաքսումն ու տեղափոխումը այլ երկրներ։ Հնարավոր երկրների թվում են Ալժիրը, Սաուդյան Արաբիան և Կատարը։

Հոդվածում շվում է, որ Իսրայելի կառավարությունը ճնշում է գործադրում Կատարի վրա՝ փակելու ՀԱՄԱՍ-ի գրասենյակը մայրաքաղաք Դոհայում և երկրից արտաքսելու պաղեստինցի առաջնորդներին ու այդ իսկ պատճառով Կատարն այլևս չի ցանկանում հյուրընկալել ՀԱՄԱՍ-ի առաջնորդներին։

Միևնույն ժամանակ հաղորդվում է,որ եթե Կատարը չհյուրընկալի ՀԱՄԱՍ-ի առաջնորդներին, ապա նրա մերձավոր դաշնակից Թուրքիան կարող է միջամտել, բայց քանի որ պաշտոնական Անկարայից որևէ հայտարարություն չկա, այդ մասին հնարավոր չէ հստակ բան ասել։

Միջանկյալ նշվում է, որ Թուրքիան արաբա-իսրայելական հակամարտության սկսվելուց անմիջապես հետո փորձում է հանդես գալ միջնորդի դերում և պատերազմի մեկնարկից 2 ամիս անց հանդիպումներ է ունեցել ՀԱՄԱՍ-ի առաջնորնդերի հետ։

Հաղորդվում է նաև, որ պարզ չէ, արդյոք ՀԱՄԱՍ-ի առաջնորդները կընդունեն Պաղեստինից վտարումը թե ոչ ու այս փուլում որևէ ապացույց չկա, որ ՀԱՄԱՍ-ի առաջնորդները համաձայնել են արտաքսմանը։ Նրանք հայտարարություններում նշել են, որ վճռական են պայքարել Իսրայելի դեմ։

Աղբյուր` medyascope

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։