Բաքվում Թուրքիայի մեջլիսի նախագահը խոսել է «‎Զանգեզուրի միջանցքի» մասին

Քաղաքական17:49, 23 Փետրվար 2024

Բաքվում Թուրքիայի մեջլիսի նախագահը խոսել է «‎Զանգեզուրի միջանցքի» մասին

Բաքվում գտնվող Թուրքիայի խորհրդարանի (մեջլիսի) նախագահ Նուման Քուրթուլմուշը հանդիպել է Ադրբեջանի վարչապետ Ալի Ասադովի հետ։

Հանդիպման ժամանակ Քուրթուլմուշը խոսել է 44-օրյա պատերազմից հետո ստեղծված իրավիճակի, ինչպես նաև անդրադարձել «‎Զանգեզուրի միջանցքի» թեմային։

Քուրթուլմուշի խոսքով, իրենք գոհ են «օկուպացիայից ազատագրվելուց հետո Ղարաբաղի վերականգնման ուղղությամբ կատարված աշխատանքներից»։

Քուրթուլմուշն ընդգծել է, որ առաջիկա ժամանակահատվածում ամենակարևոր խնդիրը «‎Զանգեզուրի միջանցքի» բացումն է։ Նա շեշտել է, որ միջանցքի բացմամբ կամրապնդվեն առևտրային հարաբերությունները տարածաշրջանի երկրների հետ։

Նշելով, որ Կովկասում խաղաղություն հաստատելու նոր հեռանկարի անհրաժեշտություն կա, Թուրքիայի մեջլիսի նախագահն ընդգծել է, որ Թուրքիա-Ադրբեջան-Վրաստան եռակողմ մեխանիզմը պետք է շարունակի գործել առողջ, այնուհետև այդ գործընթացում պետք է ստեղծվեն Ռուսաստանի, Իրանի և Հայաստանի մասնակցությամբ մեխանիզմներ՝ կովկասյան ժողովուրդների խնդիրները լուծելու համար։

Աղբյուր` Ermenihaber.am

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։