Քաղաքական12:41, 23 Փետրվար 2024
Ֆիդանը շարունակում է Գազայի օրակարգով հանդիպումները
Բրազիլիայի մայրաքաղաք Ռիո Դե Ժանեյրոյում անցկացվող «G20-ի անդամ պետությունների արտգործնախարարների ժողովի» ընթացում Թուրքիայի արտաքին քաղաքական գերատեսչության ղեկավար Հաքան Ֆիդանը խոսել է աշխարհում տեղի ունեցող զարգացումների շուրջ։
Մասնավորապես փետրվարի 22-ին նա ելույթ է ունեցել ժողովի շրջանակներում կազմակերպված «Համաշխարհային կառավարման ռեֆորմ» խորագրով նիստին:
Այնտեղ Ֆիդանն ուշադրություն է հրավիրել մի շարք հարցերում, մասնավորապես, Գազայի հարցում Միացյալ ազգերի կազմակերպության անվտանգության խորհրդի (ՄԱԿ ԱԽ) կողմից դրսևորվող անգործության և այդպիսով ՄԱԿ ԱԽ-ի կողմից կառույցի հեղինակության արատավորման վրա:
Բացի այդ, թուրք նախարարը շարունակել է ժողովի շրջանակներում մի շարք երկրների ներկայացուցիչների հետ անցկացվող հանդիպումների շարքը:
Նա հանդիպել է ռուսաստանցի իր գործընկեր Սերգեյ Լավրովի հետ: Նշվում է, որ հանդիպման օրակարգում տեղ են գտել երկկողմ հարաբերությունները և տարածաշրջանային զարգզացումները:
Ֆիդանը հույս է հայտնել, որ Ուկրաինայում ընթացող պատերազում բոլոր կողմերի մասնակցությամբ դիվանագիտական լուծում կգտնվի:
Բացի այդ, հայտնել է, որ Թուրքիան աջակցում է տարածաշրջանում կայունության և բարօրության պահպանմանն ուղղված բոլոր նախաձեռնություններին:
Անդրադարձ է կատարվել Պաղեստինի Գազայի հատվածում տիրող հումանիտար ճգնաժամին և դրա վերացման ուղղությամբ արվելիք հնարավոր քայլերին:
Ֆիդանն առանձնազրույց է ունեցել նաև Սաուդիան Արաբիայի արտգործնախարար Ֆայսալ Բին Ֆերհանի հետ:
Այս դեպքում ևս խոսվել է Գազայում տիրող իրավիճակից, ինչպես նաև քննարկվել է այդ տարածքում շտապ հրադադարի հաստատման և երկու երկրի ձևավորմամբ խնդիրը լուծելու համար տարածաշրջանային երկրների կողմից իրականացվելիք հնարավոր քայլերը:
Այս համատեքստում թուրք դիվանագետը կարևորել է մարտին Անթալիայում կայանալիք «Անթալիայի դիվանագիտական համաժողով»-ը:
Հանդիպմանը մտքեր են փոխանակվել երկկողմ տնտեսական հարաբերություններին և ռազմարդյունաբերական ոլորտում ունեցած համագործակցությանը վերաբերող հարցերի շուրջ:
Թուրքիայի արտգործնախարարը հանդիպումներ է ունեցել նաև Ֆրանսիայի Եվրոպայի և արտաքին գործերի նախարար Ստեֆան Սեժուրնեի և մեքսիկացի իր գործընկերոջ՝ Ալիջիա Բարջենայի հետ:
Դիվանագիտական աղբյուրներից ստացված տեղեկությունների հաամաձայն, Ֆիդանը հանդիպել է նաև Հարավային Աֆրիկայի միջազգային հարցերի և համագործակցության նախարար Նալեդի Փանդորի հետ:
Երկկողմ զրույցում Ֆիդանն ընդգծել է, որ Թուրքիան աջակցում Հարավային Աֆրիկայի կողմից Արդարադատության միջազգային դատարան Իսրայելի դեմ ներկայացված հայցը:
Բացի այդ, մտքեր են փոխանակվել 2024-ի ընթացքում Հարավային Աֆրիկայի նախագահ Սիրիլ Ռամաֆոսայի կողմից Թուրքիայի իրականացվելիք պաշտոնական այցի պատրաստություններին վերաբերող հարցերի շուրջ:
Վերոնշյալ թեմաներից զատ կողմերը խոսել են երկկողմ հարաբերություններին, տնտեսությանը, առևտրին և ահաբեկչության դեմ պայքարին առնչվող թեմաների մասին:
Հիշեցնենք, որ Ֆիդանը փետրվարի 21-ին ևս Գազայի օրակարգով մի շարք հանդիպումներ էր ունեցել՝ այդ թվում ԱՄՆ պետքարտուղար Էնթոնի Բլինքենի հետ:
Այս ենթաբաժնի վերջին նորությունները
Թուրքիայի նախագահ Ռեջեփ Թայիփ Էրդողանն և Ադրբեջանի նախագահ Իլհամ Ալիևը մասնակցել են Քահրամանմարաշում «Ադրբեջանական թաղամաս» համալիրի բացմանը Էրդողանը ելույթն ավարտել է քահարամանմարաշցի բան
Աբբաս Արաղչին Ստամբուլում կմասնակցի «Իսլամական համագործակցություն» կազմակերպության անդամ երկրների արտգործնախարարների խորհդի նիստին:
ՌԴ նախագահը Սանկտ Պետերբուրգում տեղի ունեցած միջազգային տնտեսական ֆորումի շրջանականերում լրագրողների հետ հարցուպատասխանի ընթացքում անդրադարձել է ռուս-ուկրաինական բանակցություններին։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այցի ընթացքում անցկացվել են սահմանային անվտանգության հետ կապված ստուգումներ։
Սոցցանցերի թուրքական տիրույթում տարածվել էր Շրայդերի հարցազրույցից հատված, որում նշել է, թե նախորդ օրը արձակված իրանական հրթիռներից որևէ մեկը չի անցել Իսրայելի տարածքը։
Թերթի խմբագիր Տանձիկյանը ներկայացնում է, թե որը կարող է լինել այս «աշխատանքային այցի» օրակարգը, հատկապես, երբ տարածաշրջանը կրկին պատերազմի մեջ է Իրանի վրա Իսրայելի հարձակման պատճառով:
Էյալ Բերկովիչ․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ ահա եզրափակիչը կանցկացնենք Թուրքիայի հետ»:
Երկու նախագահների մասնակցությամբ Քահրամանմարաշում տեղի է ունենալու երկրաշարժից հետո կառուցված «Ադրբեջանի թաղամասի» բացումը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |