Քաղաքական10:25, 21 Փետրվար 2024
Թուրքիայի և Ալբանիայի միջև համագործակցության 6 փաստաթուղթ է ստորագրվել
Փետրվարի 20-ին Թուրքիայի նախագահականում տեղի է ունեցել Ալբանիայի վարչապետ Էդի Ռամանի և Թուրքիայի նախագահ Ռեջեփ Թայիփ Էրդողանի հանդիպումը:
Բացի այդ երկու երկրների ղեկավարների գլխավորությամբ անցկացվել է Թուրքիա-Ալբանիա բարձր մակարդակի համագործակցության առաջին նիստը:
Նիստի ավարտին Ալբանիայի և Թուրքիայի միջև ստորագրվել է 6 համաձայնագիր:
Մասնավորապես թուրքական պետական «TRT» հեռուստաալիքի և Ալբանիայի Ռադիոյի և հեռուստատեսութան (RTSH) կազմակերպության միջև համագործակցության արձանագրություն է ստորագրվել: Փաստաթղթի տակ թուրքական կողմից իր ստորագրությունն է դրել TRT-ի գլխավոր տնօրեն Զահիդ Սոբաջըն:
Թուրքիայի նախագահականին կից գործ հանրային կապերի վարչության և Ալբանիայի նախագահականին կից գործող մեդիաինֆորմացիոն գործակալության միջև մեդիայի և կապի ոլորտում համագործակցության մասին փոխըմբըռնման հուշագիր է կնքվել: Այն ստորագրվել է Թուրքիայի հանրային կապերի վարչության նախագահ Ֆահրեթթին Ալթունի կողմից:
Թուրքիայի կառավարության և Ալբանիայի նախարարների խորհրդի միջև կնքվել է փոխըմբըռնման հուշագիր, որն առնչվում է անտառների և պահպանության տակ գտնվող շրջանների կայուն կառավարման ոլորտին: Հուշագիրը ստորագրել է Թուրքիայի գյուղատնտեսության և անտառտնտեսության նախարար Իբրահիմ Յումաքլըն:
Ալբանիայի կառավարության և Թուրքիայի կառավարության միջև կնքվել է ռազմական միջավայրի մասին համաձայնագիր: Ստորագրվել է Թուրքիայի պաշտպանության նախարար Յաշար Գյուլերի կողմից:
Թուրքիայի կառավարության և Ալբանիայի նախարարների խորհրդի միջև կնքվել է համաձայնագիր՝ կապված զարգացման համագործակցության և Ալբանիայում գտնվող թուրքական «TİKA» համագործակցության և կոորդինացման գործակալության վիճակի հետ:
Թուրքիայի շրջակա միջավայրի, քաղաքաշինության և կլիմայական փոփոխությունների նախարարության և Գերմանիայի Հանրապետության զբոսաշրջության և շրջակա միջավայրի նախարարության միջև շրջակա միջավայրի ոլորտում համագործակցության մասին փոխըմբըռնման հուշագիր է կնքվել: Այն թուրքական կողմից ստորագրել է մշակույթի և տուրիզմի նախարար Մեհմեդ Նուրի Էրսոյը:
Նշենք նաև, որ երկու երկրի միջև մեդիայի և կապի ոլորտում համագործակցության շուրջ ստորագրված փոխըմբըռնման հուշագրի կնքման մասին սոցիալական իր օգտահաշվում գրառում է կատարել Ֆահրեթին Ալթունը:
Նա նշել է, որ այն նպատակ ունի խթանելու հանրային դիվանագիտության, մեդիայի և հանրության տեղեկատվության ոլորտները:
«Մաղթում եմ հաջողություն նշված համաձայնագրին, որն ավելացնելու է մեր երկրների միջև մեդիայի և կապի ոլորտներում տեղեկատվության և փորձի փոխանակումը»,-հավելել է նա:
Հիշեցնենք, որ Ալբանիայի վարչապետը փետրվարի 20-ին էր պաշտոնական այցով պատվիրակության հետ միասին այցելել Թուրքիա:
Այս ենթաբաժնի վերջին նորությունները
Թուրքիայի նախագահ Ռեջեփ Թայիփ Էրդողանն և Ադրբեջանի նախագահ Իլհամ Ալիևը մասնակցել են Քահրամանմարաշում «Ադրբեջանական թաղամաս» համալիրի բացմանը Էրդողանը ելույթն ավարտել է քահարամանմարաշցի բան
Աբբաս Արաղչին Ստամբուլում կմասնակցի «Իսլամական համագործակցություն» կազմակերպության անդամ երկրների արտգործնախարարների խորհդի նիստին:
ՌԴ նախագահը Սանկտ Պետերբուրգում տեղի ունեցած միջազգային տնտեսական ֆորումի շրջանականերում լրագրողների հետ հարցուպատասխանի ընթացքում անդրադարձել է ռուս-ուկրաինական բանակցություններին։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այցի ընթացքում անցկացվել են սահմանային անվտանգության հետ կապված ստուգումներ։
Թերթի խմբագիր Տանձիկյանը ներկայացնում է, թե որը կարող է լինել այս «աշխատանքային այցի» օրակարգը, հատկապես, երբ տարածաշրջանը կրկին պատերազմի մեջ է Իրանի վրա Իսրայելի հարձակման պատճառով:
Սոցցանցերի թուրքական տիրույթում տարածվել էր Շրայդերի հարցազրույցից հատված, որում նշել է, թե նախորդ օրը արձակված իրանական հրթիռներից որևէ մեկը չի անցել Իսրայելի տարածքը։
Էյալ Բերկովիչ․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ ահա եզրափակիչը կանցկացնենք Թուրքիայի հետ»:
Երկու նախագահների մասնակցությամբ Քահրամանմարաշում տեղի է ունենալու երկրաշարժից հետո կառուցված «Ադրբեջանի թաղամասի» բացումը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |