Թուրքիահի ԱԳ նախարարը կմասնակցի G20-ի արտգործնախարարների հանդիպմանը

Քաղաքական09:44, 20 Փետրվար 2024

Թուրքիահի ԱԳ նախարարը կմասնակցի G20-ի արտգործնախարարների հանդիպմանը

Թուրքական մեդիայում շրջանառվում են լուրեր՝ կապված G20-ի անդամ պետությունների արտգործնախարարների ժողովի հետ, որն անցկացվելու է Բրազիլիայում՝ փետրվարի 21-ից 22-ն ընկած ժամանակահատվածում:

Մասնավորապես նշվում է, որ դրան մասնակցելու է Թուրքիայի արտգործնախարար Հաքան Ֆիդանը և բարձրաձայնելու է աշխարհում տեղի ունեցող վերջին զարգացումների շուրջ Թուրքիայի հստակ դիրքորոշումների մասին:

Խոսքը հիմնականում վերաբերում է ներկա պահին ընթացող երկու սրված հակամարտություններին՝ ռուս-ուկրաինական և պաղեստինա-իսրայելական: Թուրքիայի պաշտոնական դիրքորոշման համաձայն՝ Ռուսաստանը «օկուպացրել է ուկրաինական տարածքներ», իսկ Իսրայելը պաղեստինյան:

Նշվում է, որ Ֆիդանը տարբեր պետությունների և կառույցների ներկայացուցիչների հետ ունենալիք հանդիպումներում ուշադրություն է հրավիրելու այն բանի վրա, որ Միացյալ ազգերի կազմակերպության (ՄԱԿ) ներուժը չի բավականացրել կանխելու Իսրայելի կողմից Պաղեսիտնի ուղղությամբ իրականացված և շարունակվող հարձակումները:

Հաղորդվում է, որ թուրք նախարարի կողմից բարձրաձայնվելու է մասնավորապես նախկինում նաև Թուրքիայի նախագահ Ռեջեփ Թայիփ Էրդողանի կողմից հնչեցված «Աշխարհը 5-ից մեծ է» (Նկատի են առնվել ՄԱԿ ԱԽ-ի մշտական 5 անդամները) մոտեցման շրջանակներում Թուրքիայի ունեցած դիրքորոշումները:

Ըստ Էրդողանի՝ ելնելով աշխարհում առկա իրավիճակից, անհրաժեշտություն կա պահի գնահատմանը համահունչ նոր համակարգ ստեղծել, որը ի վիճակի կլինի պատշաճ կերպով արձագանքել առկա խնդիրներին:

Բացի այդ, սպասվում է, որ հանդիպման օրակարգում տեղ կգտնեն քննարկումներ կապված ռուս-ուկրաինական ճգնաժամի շարունակական խորացման համատեքստում էներգետիկ և հացահատիկային անվտանգության շուրջ:

Աղբյուր` trthaber.com

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։