Սպասվում է Ալբանիայի վարչապետի այցը Թուրքիա

Քաղաքական12:29, 20 Փետրվար 2024

Սպասվում է Ալբանիայի վարչապետի այցը Թուրքիա

Փետրվարի 20-ին Թուրքիայի նախագահ Ռեջեփ Թայիփ Էրդողանն ընդունելու է պաշտոնական այցով Թուրքիա մեկնող Ալբանիայի վարչապետ Էդի Ռամային:

Թուրքիայի նախագահականին կից գործող հանրային կապերի վարչության տարածած հաղորդագրության համաձայն՝ այցի շրջանակներում Ալբանիայի վարչապետը Էրդողանի հետ հանդիպելուց բացի մասնակցելու է նաև Թուրքիա-Ալբանիա բարձր համագործակցության խորհրդի 1-ին նիստին:

Նիստի ընթացքում կողմերը քննարկելու են նաև հարցեր առկա համագործակցությունն ավելի խորացնելու նպատակով իրականացվելիք քայլերի վերաբերյալ:

Բացի այդ, նշվում է, որ Ռամայի հետ թուրքական կողմը քննարկելու է հարցեր, որոնք վերաբերում են երկկողմ հարաբերություններին և մասնավորապես Բալկաններում խաղաղության և անվտանգության ապահովմանը:

Օրակագրում տեղ են գտնելու նաև տարածաշրջանային և միջազգային վերջին զարգացումները:

Երկու պետությունների բարձր համագործակցության 1-ին նիստի շրջանակներում նախատեսվում է նաև երկկողմ հարաբերությունների զարգացման նպատակով տարբեր իրավական տեքստերի ստորագրություններ:

Աղբյուր` trthaber.com

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։