Իրաքը Թուրքիայի տարածքով միացված կլինի միջազգային առևտրային ցանցին

Տնտեսական17:41, 19 Փետրվար 2024

Իրաքը Թուրքիայի տարածքով միացված կլինի միջազգային առևտրային ցանցին

Իրաքի իշխանությունները 2023-ի մայիսին հայտարարել էին, որ ավարտին է հասցվում Իրաքի հարավում գտնվող թունելի շինարարական աշխատանքների 60%-ը։ «Զարգացման ուղի» ծրագրի շրջանակներում թունելը կապահովի ծովային և ցամաքային կապ։

Նշվում է, որ այդ թունելի միջոցով Իրաքը Թուրքիայի տարածքով միացված կլինի միջազգային առևտրային ցանցին։ Ակնկալվում է, որ թունելը, որը Պարսից ծոցը Թուրքիայի սահմանին կապող ցամաքային գծի և երկաթուղի հիմնելու նախագծի մաս է կազմում, կարևոր բեռնափոխադրող գիծ կլինի Մերձավոր Արևելքի և Եվրոպայի միջև ապրանքաշրջանառության իրականացման համար։

Նշվում է, որ թունելի երկարությունը կազմում է 2440 մետր, իսկ ծովի տակ գտնվող հատվածի երկարությունը 1260մ։ Այս նախագիծն առաջինն է Իրաքում և Մերձավոր Արևելքում ու թունելի ամենակարևոր խնդիրն է միացնել Բասրայի Ֆաո և Ում Քասր նավահանգիստները «Զարգացման ուղի» ծրագրի շրջանակներում:

Հիշեցնենք, որ նախագիծը քննարկվել է Բաղդադում տեղի ունեցած համաժողովում, որին մասնակցել են Բահրեյնի, Հորդանանի, Իրանի, Կատարի, Քուվեյթի, Արաբական Միացյալ Էմիրությունների, Օմանի, Սաուդյան Արաբիայի, Սիրիայի և Թուրքիայի պատվիրակությունները։ Նշվում է, որ «Զարգացման ուղի» ծրագիրը ավարտին կհասցվի 2029-ին։

Աղբյուր` aksam.com.tr

Այս ենթաբաժնի վերջին նորությունները

14:34, 30 ապր

Թուրքիայի զբոսաշրջության ոլորտը նոր ռեկորդներ է սահմանում

Մասնագետների կարծիքով, ընթացիկ միտումների պահպանման դեպքում Թուրքիան 2025 թվականին կարող է դառնալ աշխարհի առաջատար զբոսաշրջային ուղղություններից մեկը: