Թուրքիան գոհ է F-16 կործանիչների հարցով ԱՄՆ-ի որոշումից

Քաղաքական14:08, 16 Փետրվար 2024

Թուրքիան գոհ է F-16 կործանիչների հարցով ԱՄՆ-ի որոշումից

Թուրքիայի պաշտպանության նախարար Յաշար Գյուլերը շնորհակալության ուղերձ է հղել ՆԱՏՕ-ի անդամ երկրներին 1 տարի առաջ երկրաշարժից տուժած Թուրքիային ցուցաբերած օգնության համար։

Այս համատեքստում նախարարն ուղերձի մեջ խոսել է Թուրքիա-ՆԱՏՕ հարաբերությունների, դրանց ձեռքբերումների ու խնդիրների մասին։ Առանձնացվել է F-16 կործանիչների գործընթացը: Գյուլերը գոհունակություն է հայտնել F-16-ների նոր խմբաքանակի վաճառքի, ինչպես նաև Թուրքիայի սպառազինությունում առկա այդ ինքնաթիռների արդիականացման վերաբերյալ կայացված որոշման վերաբերյալ։

Հիշատակվել է, որ Թուրքիան, ի վերջո, հավանություն տվեց Շվեդիայի ու Ֆինլանդիայի անդամակցությանը ՆԱՏՕ-ին և ներկայացրել է այս, ինչպես նաև Գազայի հարցում պաշտոնական Անկարայի սպասելիքները։

Առանձին տեղ է հատկացվել ահաբեկչական կառույցների ու Անկարայի կողմից ահաբեկչական համարվող քրդական ուժերի դեմ պայքարի հարցը։ Ուղերձում պնդում է առաջ քաշվել, քրդական կառույցների ներկայությունը Սիրիայում և Իրաքում սպառնալիք է ներկայացնում ՆԱՏՕ-ի համար։

Աղբյուր` Ermenihaber.am

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։