ԱՄՆ դեսպան. «Թուրքիան մեզ համար ավելին է, քան ՆԱՏՕ-ն»

Քաղաքական15:03, 15 Փետրվար 2024

ԱՄՆ դեսպան. «Թուրքիան մեզ համար ավելին է, քան ՆԱՏՕ-ն»

ԱՄՆ դեսպան Ջեֆ Ֆլեյքը գնահատել է Թուրքիայի հետ հարաբերությունները՝ ասելով «նրանք մեզ պետք են»։ ուրքիայում ԱՄՆ դեսպան Ջեֆ Ֆլեյքը հոդված է գրել այն մասին, թե Անկարայի հետ լավ հարաբերությունները որքանով են բխում Վաշինգտոնի շահերից։

Ֆլեյքն ընդգծել է Թուրքիայի հետ մերձենալու անհրաժեշտությունը՝ նշելով F-16 կործանիչներ վաճառելու» որոշման կարևորությունը։ Հիշեցրել է, որ թուրքական մարտական ավիացիայի զարգացումը բխում է ՆԱՏՕ-ի շահերից։

Ամերիկացի դիվանագետը, օգտագործելով «Վաշինգտոնի և Անկարայի հարաբերությունները գերազանցում են ՆԱՏՕ-ի շրջանակը» արտահայտությունը, ընդգծել է, որ Թուրքիան պաշտպանում է Ուկրաինայի տարածքային ամբողջականությունը։ Նա նաև նշել է, որ Թուրքիան, Մոնտրոյի կոնվենցիայի շրջանակներում փակելով Բոսֆորի նեղուցը, Սև ծովից դուրս է մղում Մոսկվայի ռազմանավերը։

Ջեֆ Ֆլեյքը նաև հիշեցրել է Թուրքիայի հաջող բանակցությունները «Հացահատիկի միջանցքի» շուրջ՝ նշելով, որ «Թուրքիան կարող է մեր հակառակորդների հետ շփվել այնպիսի վայրերում և այնպիսի ձևերով, որոնք մենք չենք կարող»։

Ֆլեյքը նշել է, որ Թուրքիան իրեն ի ցույց է դրել որպես այլընտրանք Չինաստանին։ Ըստ դեսպանի՝ Անկարայի և Վաշինգտոնի հարաբերությունների բարելավումը կենսական նշանակություն ունի ԱՄՆ-ի անվտանգության, հզորության և բարգավաճման համար։

Աղբյուր` CNN Turk

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։