Քաղաքական15:10, 24 Հունվար 2024
«Մնում է ափսոսանք հայտնել»․ Մոսկվայում դժգոհ են Թուրքիայի որոշումից
«Թուրքիան բաց է թողնում պատմական հնարավորությունը՝ գործելու ի շահ ողջ մարդկության, այլ ոչ թե առանձին դաշինքի, ինչը ցավալի է»։
Այդ մասին հայտնել է Ռուսաստանի Դաշնության խորհրդի փոխխոսնակ Կոնստանտին Կոսաչովը, մեկնաբանելով՝ Թուրքիայի խորհրդարանում հունվարի 23-ին քվերակության դրված Հյուսիսատլանտյան դաշինքին (ՆԱՏՕ) Շվեդիայի անդամակցության վերաբերյալ օրենքի նախագծի արդյունքները:
Քվեարկության արդյունքում 346 պատգամավորներից 287-ի կողմ, 55-ի դեմ և 4-ի ձեռնպահ ձայնով այն ընդունվել էր (վավերացվել):
«Մնում է ափսոսանք հայտնել ՆԱՏՕ-ին Շվեդիայի անդամակցության վերաբերյալ Թուրքիայի վերջնական որոշման համար։ Թուրքիայի բաց է թողել պատմական հնարավորությունը՝ գործելու ի շահ ողջ մարդկության,այլ ոչ թե միայն ի շահ մեկ դաշինքի »,- գրել է թելեգրամյան ալիքում է ռուս սենատորը։
Վերջինս, մեկնաբանելով, թե արդյոք այս որոշումը վերջնական է, թե ոչ, նա ընդգծել է․ «Ամենայն հավանականությամբ, այո, քանի որ Թուրքիայի համար Շվեդիայի՝ դաշինքին միանալու թույլտվությունը ոչ թե արտաքին այլ ներքաղաքական հարց էր»,- նշել է նա:
Հիշեցնենք, որ Շվեդիան ՆԱՏՕ-ին անդամակցելու համար հայտ էր ներկայացրել 2022 թվականին։ Պաշտոնական Անկարան Շվեդիայի հայտը վավերացնելու դիմաց պաշտոնական Ստոկհոլմից պահանջում էր շուրջ հարյուր քուրդ ակտիվիստների արտահանձնում, ինչպես նաև ավելի կոշտ դիրքորոշում Թուրքիայում ահաբեկչական համարվող «Քուրդիստանի բանվորական կուսակցության» (PKK-ՔԲԿ) և վերջինիս աջակիցների հանդեպ։
Շվեդիան մի շարք աննախադեպ որոշումներ էր կայացրել՝ բավարարելու Անկարայի պահանջները, մասնավորապես վերացրել էր Թուրքիա զենքի արտահանման էմբարգոն, Անկարային էր արտահանձնել Թուրքիայի նախագահ Ռեջեփ Թայիփ Էրդողանի ընդդիմախոսներից մեկին, փոխել էր ահաբեկչության մասին օրենսդրությունը։
Ի սկզբանե ՆԱՏՕ-ին անդամակցելու վերաբերյալ համատեղ հայտ էին ներկայացրել Ֆինլանդիան և Շվեդիան, սակայն Թուրքիան բավարարել էր միայն Ֆինլանդիայի հայտը՝ Ստոկհոլմի առաջ դնելով մի շարք պահանջներ։
Այս ենթաբաժնի վերջին նորությունները
Ալի Յերլիքայան սոցցանցում կատարած գրառմամբ անդրադարձել է վերջին օրերին Թուրքիայում հասունացող տրամադրություններին:
Թուրքական Metropoll հետազոտական ընկերության կառավարման խորհրդի նախագահ Օզեր Սենջարը գրում է, որ ԱԶԿ-ն համապետական նոր ընտրություններում ձայների 5.5 տոկոսը կզիջի ԺՀԿ-ին:
Մեհմեդ Շիմշեքը 2-օրյա այցի ընթացքում մասնակցելու է Դոհայում կազմակերպվող «Տնտեսական համաժողովին»:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Մայիսի 15-ի գիշերը Թուրքիայի նախագահը շտապ նախագահական նստավայր է կանչել MİT ղեկավար Իբրահիմ Քալընին և Արդարադատության նախարար Յըլմազ Թունչին:
Լիոնում Թուրքիայի գլխավոր հյուպատոսի ցուցամատով անհասկանալի ժեստը քննադատության է արժանացրել իշխող ԱԶԿ-ական պատգամավորը:
Միջազգային մամուլի ուշադրության կենտորնում է հայտնվել Թուրքիայի նախագահի՝ «ՀԱՄԱՍ»-ին պաշտպանող հերթական հայտարարությունը։
Ցածր գնահատականի պատճառով հարձակման ենթարկված դասախոսը ստացել է թեթև մարմնական վնասվածք՝ գլխի հատվածում:
Ռազմգործողությունից առաջ Իրաքը Պակիստանից գնելու է 12 միավոր ռազմական ինքնաթիռ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |