Թուրքիան և Ղրղզստանը մտադիր են առևտրաշրջանառության ծավալները հասցնել 2 մլրդ դոլարի

Տնտեսական11:19, 10 Հունվար 2024

Թուրքիան և Ղրղզստանը մտադիր են առևտրաշրջանառության ծավալները հասցնել 2 մլրդ դոլարի

Թուրքիայի արտգործնախարար Հաքան Ֆիդանը պաշտոնական այցի շրջանակում գտնվում է Ղրղզստանի մայրաքաղաք Բիշքեքում։ Այցի շրջանակներում Ֆիդանը հանդիպել է Ղրղզստանի խորհրդարանի նախագահ Նուրլանբեկ Շաքիևի հետ։ Հանդիպման ընթացքում կողմերը քննարկել են երկկողմ քաղաքական, տնտեսական և մշակութային հարաբերությունների խորացումը, ինչպես նաև միջխորհրդարանական համագործակցության զարգացումը։

Աղբյուրի նշմամբ, Ֆիդանը Շաքիևին է փոխանցել Թուրքիայի մեջլիսի նախագահ Նուման Քուրթուլմուշի խոսքերը. «Մեր հիմնական նպատակն է ամրապնդել երկու եղբայր ժողովուրդների միջև եղբայրությունն ու բարեկամությունը»։

Ուշադրություն հրավիրելով երկու երկրների միջև հարաբերությունների ամրապնդման գործում խորհրդարանների դերին՝ Ֆիդանը շնորհակալություն է հայտնել Ղրղզստանի խորհրդարանի նախագահին այս ոլորտում ցուցաբերած աջակցության համար։

Կողմերը մասնավորապե նշել են, որ երկու երկրների նպատակն է ընդլայնել միջխորհրդարանական հարաբերությունները երկկողմ և միջազգային հարթակներում։Շաքիևի խոսքով, Թուրքիան Ղրղզստանի ամենամեծ առևտրային և տնտեսական գործընկերներց է և անհրաժեշտ է երկկողմ առևտրաշրջանառության ծավալները հասցնել 2 մլրդ դոլարի։

Աղբյուր` trthaber.com

Այս ենթաբաժնի վերջին նորությունները

14:34, 30 ապր

Թուրքիայի զբոսաշրջության ոլորտը նոր ռեկորդներ է սահմանում

Մասնագետների կարծիքով, ընթացիկ միտումների պահպանման դեպքում Թուրքիան 2025 թվականին կարող է դառնալ աշխարհի առաջատար զբոսաշրջային ուղղություններից մեկը: