Ռեկորդ Թուրքիայից Իսպանիա արտահանումների ծավալում

Տնտեսական16:46, 19 Դեկտեմբեր 2023

Ռեկորդ Թուրքիայից Իսպանիա արտահանումների ծավալում

Թուրքիայի արտահանողների խորհրդի կողմից թուրքական պետական «Anadolu» լրատվական գործակալությանը տրամադրած տվյալների համաձայն՝ 2023-ի 11 ամիսների ընթացքում Թուրքիայից արտահանված ապրանքների ծավալն ընդհանուր առմամբ կազմել է շուրջ 233 մլրդ դոլար:

Ընդ որում, 2022-ի նույն ժամանակահատվածի համեմատ այն գրանցել է 0.7 տոկոսի աճ: Սակայն այլ է պատկերը կոնկրետ Իսպանիա արտահանված ապրանքների ծավալի դեպքում:

Թուրքիայից Իսպանիա մատակարարումների ընդհանուր ծավալը 2023-ի հունվար-նոյեմբեր ամիսներին կազմել է ավելի քան 8.5 մլրդ դոլար, որն այդ երկիր իրականացված արտահանումների տեսանկյունից բոլոր ժամանակների ամենաբարձր ցուցանիշն է:

Վերոնշված ցուցանիշների արդյունքում Իսպանիան դարձել է Թուրքիայից ամենաշատ ապրանք գնած 8 երկրներից մեկը:

Նշենք, որ այդ երկրների մեջ, ըստ հերթականության, տեղ են գտել նաև Գերմանիան՝ շուրջ 17 մլրդ, ԱՄՆ-ն՝ ավելի քան 11 մլրդ, Միացյալ Թագավորությունը՝ ավելի քան 10 մլրդ 400 հազար, Իտալիան՝ ավելի քան՝ 10 մլրդ 200 հազար, Ֆրանսիան՝ շուրջ 9 մլրդ, Իրաքը՝ ավելի քան 8 մլրդ 700 հազար և Ռուսաստանի Դաշնությունը՝ ավելի քան 8.5 մլրդ դոլարով:

Աղբյուր` ngazete.com

Այս ենթաբաժնի վերջին նորությունները

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։