Էրդողանը հակաքեմալական գործչին ռեկտոր է նշանակել

Հասարակական11:50, 01 Դեկտեմբեր 2023

Էրդողանը հակաքեմալական գործչին ռեկտոր է նշանակել

Դեկտեմբերի 1-ին Թուրքիայի «Resmi Gazete» պաշտոնաթերթի առավոտյան համարում տեղ են գտել Թուրքիայի նախագահ Ռեջեփ Թայիփ Էրդողանի նոր նշանակումները, որոնք կապված են պետական գերատեսչությունների տեսչական մարմինների և համալսարանների ղեկավար անձնակազմի հետ:

Թուրքական մամուլում ուշադրություն է հրավիրվել հատկապես Էրդողանի նշանակումներում տեղ գտած պրոֆեսոր Սելման Օղյութի՝ Ստամբուլի Էսենյուրթի համալսարանի ռեկտորի պաշտոնին նշանակվելու փաստը:

Հիմնականում շեշտվել է այն, որ Օղյութը ռեկտոր է նշանակվել, չնայած այն բանին, որ Սյուհեյբ Օղյութի եբայրն է, ով էլ Թուրքիայի նախկին վարչապետի պաշտոնանկ լինելու հետ կապված հեռուստաեթերային քննարկման ժամանակ քեմալիզմը (Թուրքիայի Հանրապետության հիմնադիր Մուստաֆա Քեմալ Աթաթուրքի քաղաքականությունը և գաղափարախոսությունը) համարել էր վարակ:

Նշենք, որ Սյուհեյբ Օղյութը Թուրքիայում «Pelikan Grubu» հասարակական կազմակերպության հիմնադիրներից մեկն էր: Կազմակերպությունն առաջին անգամ աչքի էր ընկել 2016-ի մայիսի 1-ին իրենց վեբկայքում տեղ գտած «Selam Olsun» հոդվածով, որտեղ անդրադարձ էր կատարվել 2014-2016 թթ-երին Թուրքիայի վարչապետի պաշտոնը զբաղեցրած Ահմեդ Դավութօղլուի հրաժարականին և հայտարարվել դրա հետ կապ ունեցող մարդկանց անուններ:

Աղբյուր` yenimesaj.com.tr

Այս ենթաբաժնի վերջին նորությունները

15:29, 19 օգոս

Պոլսահայ ռոք երաժիշտը ելույթ կունենա Թուրքիայում

Ստամբուլում ծնված Հայկո Ջեփքինը կմասնակցի Էսքիշեհիր քաղաքում անցկացվելիք «Gastro Fest»-ին:

13:29, 19 օգոս

Թուրքիայի ամենամեծ քաղցրահամ լիճը ցամաքում է (Լուսանկարներ)

Բեյշեհիր լիճն աստիճանաբար վերածվում է խոշոր եղջերավոր կենդանիների արոտավայրի։

13:05, 19 օգոս

Թուրքիա-Գերմանիա ավիաուղղությունն աշխարհի ամենածանրաբեռնված ուղիներից է

Ավիացիոն ոլորտում վերլուծություններ անող OAG-ը՝ «Թռիչքային տվյալների վերլուծության հարթակը», հրապարակել է ավիաընկերությունների կողմից 2025-ի օգոստոսի դրությամբ վաճառքի հանված նստատեղերի քանակը։