Դինքի մարդասպանը նորից կարող է հայտնվել անազատության մեջ

Հասարակական10:32, 21 Նոյեմբեր 2023

Դինքի մարդասպանը նորից կարող է հայտնվել անազատության մեջ

Թուրքական մամուլում շրջանառվող տեղեկությունների համաձայն՝ Թուրքիայում լույս տեսնող հայկական «Ակոս» շաբաթաթերթի գլխավոր խմբագիր Հրանտ Դինքի մարդասպան Օգյուն Սամասթի դեմ նոր մեղադրանք է առաջադրվել:

Մասնավորապես մեղադրականում նշվում է, որ Սամասթը սպանություն գործելիս եղել է 17 տարեկան և չնայած այն բանին, որ չի եղել Թուրքիայում ահաբեկչական համարվող FETÖ-ի (գյուլենական շարժ) անդամ, դրա անունից է կատարել հանցագործությունը:

Ըստ այդմ՝ Ստամբուլի գլխավոր դատախազությունը այս հիմքով պահանջում է Սամասթին դատապարտել ևս 7-12 տարի ազատազրկման:

Նշենք, որ 2007-ի hունվարի 19-ին Ստամբուլում Դինքի ոճրագործության մեջ մեղադրվող, մարդասպան Սամասթը բանտում դրսևորած «լավ պահվածքի» համար ազատ է արձակվել նոյեմբերի 16-ին, ինչն առաջ էր բերել հանրության և թուրքիայում գործող մի շարք ընդդիմադիր կուսակցությունների ներկայացուցիչների վրդովմունքը:

Աղբյուր` agos.com.tr

Այս ենթաբաժնի վերջին նորությունները

16:28, 13 հուն

Թուրքիայում ինտերնետը դանդաղել է կիբերհարձակման պատճառով

Թուրքական աղբյուրների հաղորդմամբ՝ ինտերնետի արագությունը զգալիորեն նվազել է, իսկ հեռավար կապի որոշ ծառայություններում նկատվել են խափանումներ։

15:34, 12 հուն

Թուրքիայում շուրջ 4 միլիոն երեխա է աշխատում

Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։