Թուրքիայում օրեցօր ավելանում է կանանց և երեխաների սպանությունների թիվը

Հասարակական10:47, 14 Նոյեմբեր 2023

Թուրքիայում օրեցօր ավելանում է կանանց և երեխաների սպանությունների թիվը

Թուրքական մամուլում լայնորեն շրջանառվում են Թուրքիայում տղամարդկանց կողմից օրեցօր աճող կանանց և երեխաների սպանության վերաբերյալ լուրերը:

Մամուլում դրանք որակվում են որպես «սպանդ/կոտորած»:

Հիմնականում նման լուրերի լայն շրջանառությանը խթանել է նոյեմբերի 13-ին երկրի տարբեր շրջաններում տեղի ունեցած ընդհանուր առմամբ 4 այդպիսի սպանություն:

Թուրքիայի կանանց միությունների արհմիության նախագահ Ջանան Գյուլուն, թուրքական իշխանությունների ուշադրությունն է հրավիրել այն փաստի վրա, որ սպանություններն իրականացվում են հիմնականում նույն դրդապատճառներով:

«Կանայք սպանվում են սրբացված «ընտանեկան» միջավայրում իրենց ամենավստահելի մարդկանց, իրենց ուղեկից տղամարդկանց կողմից»:

Բացի այդ, նեյմբերի 13-ին արհմիությունը հրապարակել է զեկույց, որը վերաբերում է 2023-ի առաջին 10 ամսվա ընթացքում կանանց սպանություններին:

Ըստ այդմ՝ 39 կին սպանվել է ընտանիքի արական սեռի ներկայացուցիչների, իսկ 55 կին՝ այն տղամարդկանց կողմից, որոնց հետ հարաբերությունները գտնվել են բաժանման եզրին:

Ընդհանուր առմամբ տղամարդկանց կողմից սպանված կանանց թիվը կազմել է 350:

Աղբյուր` cumhuriyet.com.tr

Այս ենթաբաժնի վերջին նորությունները

15:29, 19 օգոս

Պոլսահայ ռոք երաժիշտը ելույթ կունենա Թուրքիայում

Ստամբուլում ծնված Հայկո Ջեփքինը կմասնակցի Էսքիշեհիր քաղաքում անցկացվելիք «Gastro Fest»-ին:

13:29, 19 օգոս

Թուրքիայի ամենամեծ քաղցրահամ լիճը ցամաքում է (Լուսանկարներ)

Բեյշեհիր լիճն աստիճանաբար վերածվում է խոշոր եղջերավոր կենդանիների արոտավայրի։

13:05, 19 օգոս

Թուրքիա-Գերմանիա ավիաուղղությունն աշխարհի ամենածանրաբեռնված ուղիներից է

Ավիացիոն ոլորտում վերլուծություններ անող OAG-ը՝ «Թռիչքային տվյալների վերլուծության հարթակը», հրապարակել է ավիաընկերությունների կողմից 2025-ի օգոստոսի դրությամբ վաճառքի հանված նստատեղերի քանակը։